楊明警署門外拍外景 聽聞縱火案即嚇一嚇

John哥馬上派定心丸：「我哋有咁多人，唔使驚！」

上周五端午節假期，楊明、高海寧（高Ling）為新劇《網絡騙案》在九龍城警署門外拍外景，因為大家都專心拍攝，對於同日灣仔警察總部外一部警車及跑馬地警署門口接連被擲燃燒彈的事件毫不知情，事後當楊明得知有關消息時都嚇了一嚇。

當晚楊明先趕去《婚姻合伙人》結局飯局撐場。

楊明不停流汗要頻頻補妝。

最近楊明唔只做男一，仲做埋大忙人，忙到連時事新聞都追唔切，對拍攝當日警車及跑馬地警署接連被擲燃燒彈縱火案懵然不知。原來當晚楊明走兩場，先去《婚姻合伙人》結局飯局撐場，報完到後就飛車趕去九龍城開工，因為遲咗，搞到前輩姜大衛(John哥)及馬海倫(Helen姐) 喺大熱天下，企喺戶外等足一小時。楊明嚟到即向John哥鞠躬致歉。

楊明、John哥、Helen及樓嘉豪在新劇中演一家人。

兩年前楊明憑《心理追兇Mind Hunter》奪「飛躍進步男藝員」，他將獎項和女友莊思明分享。

當晚場口講John哥、Helen涉及一宗詐騙案，大仔楊明，細仔樓嘉豪及幾個街坊一齊去警署錄完口供離開。身穿西裝，飾演高級督察的楊明在該場戲沒有對白，只係聽父母講話做反應，最搞笑係有個鏡頭John哥、馬海倫企位疊咗楊明，John哥和Helen帶笑一唱一和玩楊明說：「疊咪疊囉，o依家紅大晒呀，套套都有你，係咁㗎啦，要疊吓㗎嘞。」楊明笑個不停。

於敏感時候在警署門外開工，演員們均稱好彩拍攝順利。

楊明話天氣熱又焗，著住西裝拍外景最辛苦。

問到三人可會擔心喺敏感時間，在警署門外停留會誤中副車？楊明聽到有關新聞後一臉愕然，瞪大雙眼：「係咩？嘩！」John哥：「係呀，有兩單添呀，不過，拉咗人喇！」楊明即拍拍心口，鬆了一口氣！John哥向他大派定心丸：「唔使擔心，我哋有咁多人，唔使驚！」

姍姍來遲的楊明邊換戲服，面露尷尬同John哥道歉。

可惜原來是空歡喜一場！

76歲姜大衛（John哥）與太太李琳琳今年就結婚50年，二人育有兩女一子，大女姜依蘭和二女姜依文早已結婚生子，而28歲的孻仔姜卓文（細John）雖然未婚，但與女友CC非常恩愛，去年更傳出姜卓文向女友成功求婚，可惜姜卓文火速否認，並直言：「我暫時未有結婚計劃，但係將來一定會有」。不過，姜卓文近日卻突然公開婚照，令人猜測剛榮升金像獎最佳男配角的姜大衛疑似雙喜臨門！

姜卓文與父母感情很好。

姜卓文於前年聖誕在社交平台公開CC女友的身份。

兩人頻頻甜蜜放閃。

又共同開設IG網店。

去年11月曾傳出姜卓文向女友成功求婚。

惟姜卓文火速否認。

雖然未有結婚計劃，但CC早已融入姜家。

姜大衛日前憑《白日之下》奪得《第42屆香港電影金像獎》「最佳男配角」，當晚除了太太李琳琳一直陪伴在側，姜卓文亦帶同女友CC盛裝出席，一同見證爸爸的重要時刻，可見「未來新抱」地位穩如泰山！想不到，相隔兩日姜家疑似「雙喜臨門」！

姜卓文帶同女友CC盛裝出席金像獎，見證爸爸榮膺「最佳男配角」。（本網記者攝）

CC「未來新抱」地位穩如泰山。（本網記者攝）

姜卓文突然在IG Story轉發與女友拍攝婚紗照的花絮，疑似公布婚訊，片中CC穿著白色吊帶拖尾露腰婚紗，大晒Fit爆身材，而姜卓文則西裝骨骨搭着女友膊頭，郎才女貌，非常合襯！不過，仔細一看，影片左下角寫着：「期待靚相（NOT PreWedding）」，直接否認是正式婚照，相信只是拍攝宣傳照，令不少網民空歡喜一場。

姜卓文在IG Story轉發與女友拍攝婚紗照的花絮，疑似公布婚訊。

不過，仔細一看，影片左下角寫着：「期待靚相（NOT PreWedding）」。