網民：「蠢但有人情味，我都係鍾意呢個Terry」
李偉健於無綫處境劇《愛．回家之開心速遞》飾演龍力王Terry由蠢變精，再因腦生水瘤做手術，預告會變返蠢。昨晚播出的一集講訴Terry做完手術後，大家都在估他是否真的變返蠢還是扮蠢。不過網民見到Terry變返善良都話好開心，坦言鐘意佢蠢得來有人情味！
Terry之前由蠢變精。網上圖片
其中一幕John（何啟南飾）想要回一個精明的老闆，設計找回之前針灸話電到Terry聰明的黃綠醫師，再一次重施故技，醫師心想Terry蠢到他只戴了個口罩就認不出來，但原來Terry是認得，只為捨身成仁沒篤爆而已，並因而感動了John。
Terry究竟有沒有變返蠢？網民各有己見。（截圖）
好多網民都高興見回善良的Terry，不介意他蠢還是聰明，「蠢但有人情味，我都係鍾意呢個Terry」、「呢條線，明顯係用天真無邪的Terry感動身邊個兩位奸角」；亦有猜估「其實Terry一直無變返蠢，真係只係扮緊蠢。呃晒全世界，重要時候先出手。」、「似扮蠢多啲，Terry特登咁講令個下屬叫醫生走，佢知佢下屬係好人，唔會畀佢出事，所有嘢都係佢預計之內」。
其實Terry是認得那個黃綠醫生，只為捨身成仁沒篤爆。(截圖)
幸好下屬趕到阻止，而John才知道Terry一直都知道他設的局。(截圖)
