兩人相敬如賓好恩愛！
曾執導《閨蜜》、《分手說愛你》等電影嘅女導演黃真真，前年同拍拖五年嘅男友林克仁訂婚；不過，結婚就未有聲氣，一直仲未正式成為「林太」。早前，東姑就喺尖沙咀嘅The One商場，發現佢同未婚夫拍拖，一齊排隊買飛睇戲，染左銀髮的真真與一頭白髮的男友，襯到絕，好有夫妻相。
雖然仲未正式成為「林太」，但黃真真同未婚夫好有夫妻相，仲襯埋一頭銀髮。
同未婚夫拍拖睇戲嘅黃真真，不時同愛郎吱吱斟傾密偈，狀甚恩愛甜蜜。
期間，真真與未婚夫有商有量，傾吓買乜場次，買乜嘢飲、嘢食入場等等。睇得出兩人相敬如賓、份外恩愛，相信保持住未婚嘅關係，都有助佢哋保持感情常鮮，一直保持情侶嘅甜蜜。而且，東姑仲留意到，佢哋外形都襯埋，染咗一頭銀髮嘅黃真真，襯番未婚夫嘅一頭白髮，睇落相當絕配o架！
黃真真。（東星圖片）
黃真真（網上圖片）
更多娛樂消息，請看東周網：http://eastweek.my-magazine.me/main/entertainment