*

upload_article_image

安仔就出軌事件向Big Four道歉 蘇永康:我對安仔Sammi好有信心

事件對大家傷害都很深

蘇永康接受電台訪問,重提他於2002年在台灣因涉嫌服食及藏有搖頭丸,被判入看守所觀察勒戒19天一事,問及曾否擔心事件會令他不能再站起來?從來不避談往事的蘇永康坦言,有信心自己不會就此完了。他續道:「記得當年6月返嚟開記者會,會後收到羅文(Roman)打嚟嘅電話,佢話:『點呀你?我好掛住你!』我哋兩個大男人拎住電話喊,咩都講唔到。我話Roman請畀時間我,我會返嚟見你。」後來蘇永康再到台灣,並在8月12日回港,但羅文已經在瑪麗醫院不肯見蘇永康了...他非常遺憾見不到這個愛錫他的前輩的最後一面。另外,蘇永康表示很感恩,2007他在台灣辦了一場演唱會,因為反應好而最終開了兩場,他當時特意在觀眾席最上排位置設立一個小舞台,並在那裏開始演唱,邊唱邊走到中央舞台,寓意自己重返舞台。

許志安、蘇永康、梁漢文、張衛健(資料圖片)

蘇永康對安仔跟他們說對不起,即說:你傻㗎!(資料圖片)

談到Big Four成員許志安(安仔)最近「安心出軌」事件,蘇永康當時的回應是希望安仔及太太鄭秀文(Sammi)「拖住手」經過呢件事,果然讓他猜中。蘇永康說:「Sammi好快應咗我,安仔係個需要沉澱嘅人。安仔後來同我哋(Big Four)講對唔住。我話『你傻㗎』?2002年我最低潮嘅時候,每朝早8點你帶住滑板搵我去滑水,當年安康演唱會因為我嘅事拖慢咗票房,你對我不離不棄,依家點可以講呢啲?我哋係30幾年嘅朋友,我當然對佢哋(安仔及Sammi)有信心。的確,呢件事女士難接受,但佢哋有信仰一定會過到。9月安仔取消演唱會,其實佢都需要休息,至於Sammi一定會好勇敢、好專業咁演出。Show must go on!」被問會請這兩位老友來欣賞他的演唱會嗎?蘇永康大笑:「如果我真係請佢哋嚟,佢哋又肯嚟,大家係睇佢哋定係睇我呢?」

資料圖片

資料圖片