*

upload_article_image

結婚40年恩愛依舊 阿叻秀姑中環拍拖食雲吞麵

真恩愛~

陳百祥不經不覺已68歲,因為無太多煩惱,想法又比較樂天,所以Keep得非常好。阿叻對時事及娛樂新聞一向有獨特見解,例如提到月前好爆的「安心偷食」事件,阿叻就表示男歡女愛無乜大不了。

阿叻同譚校長亦是旅行鐵腳,之前就去咗法國滑雪。

阿叻同校長及志偉係明星足球隊成員,平時常落場踢波。

陳百祥之前出席港台節目《視點31》的高爾夫球場土地辯論,與陳淑莊針鋒相對。

日前下午,阿叻與老婆黃杏秀現身中環威靈頓街出現,見他人行去老字號雲吞麵舖,兩人選坐近門口位置。雖然資深藝人光臨,但食客無特別大反應,食了半個鐘,秀姑拿罐汽水緊隨阿叻離開,可能阿叻件黑色上衣質地比較軟又貼身,他找數時,側面明顯見到他肚腩隆起,可想平時出活動見阿叻都幾識得着衫。食飽飽,秀姑就繞住阿叻手行去上車,結婚近40年仍然好恩愛。

其實以68歲嚟講,阿叻叫Keep得好。

秀姑飲唔晒汽水,拎走慢慢飲。

食飽後,秀姑繞住阿叻手行去上車。

阿叻同秀姑好鍾意去旅行,去年兩人就去咗俄羅斯慶祝聖誕節。