*

讚未婚妻入行多年仍零污染 向佐拖郭碧婷恩愛襲港

好閃啊~

向華強兒子、34歲的向佐(Jacky)今月三月在台北,於雙方父母及親友見證下向拍拖數月的台灣女友郭碧婷成功求婚,蜜運中的戀人其後形影不離,早前拍拖去日本賞櫻後,又齊齊現身成都出席活動甜蜜放閃。

當日向佐成功求婚後,攬着準老婆郭碧婷大騷手上5卡巨鑽。

在內地人氣超強的向佐,去年尾因拍攝內地真人騷《最美的時光》而與大眼靚女郭碧婷撻着,今年初二人被網友目擊拖手同遊台北當代藝術館,當時向佐回應:「那你看到甚麼就是甚麼」,默認戀情;其後連向太都開綠燈,大讚兩人合襯,認郭碧婷做準新抱。

向佐不時在社交網站放閃。

上月520,向佐又po咗張合照晒恩愛,相中佢和未婚妻挨住一紮巨型玫瑰花,好誇張呀!

至3月17日,Jacky在台灣浪漫求婚,特別在下午5:20(普通話諧音我愛你)向女友單膝求婚,而5卡求婚戒指亦刻有二人英文名字「Jacky Love Bea 2019」的字樣,一切盡顯心思。拍拖幾個月就心急求婚,Jacky坦言「唔想錯過郭碧婷」,並大讚女友入行這麼久都無受到污染。

向華強(右一)、向太陳嵐(左一)和郭碧婷父親(左二)開心與一對準新人合照。

日前,向佐和郭碧婷被捕獲在內地拍攝真人騷《我家小兩口》,煙韌現身。

日前,這對恩愛情侶甜蜜襲港,拖手現身銅鑼灣連體shopping。當日Jacky一行五人浩浩蕩蕩在潮店睇衫。做得向太陳嵐新抱仔,郭碧婷外形滿分,眼大鼻高長髮,集齊女神特質,加上被向太激讚性格好,pure又省鏡!

向太對新抱仔非常滿意!

見Jacky好快陪未婚妻揀了批衫,之後二人便站在咬耳仔又冧望甜笑。郭碧婷不時出手摸男友塊面和耳環,Jacky顯得好受落,全程笑咪咪,甜到入心。而郭碧婷亦即席表演散發仙氣,除下白帽望鏡撥弄長髮,嘴唇半開,電力十足。逗留半小時,眾人步出,見郭碧婷被man爆男友拖實時超級開心,成個小朋友咁彈住行又笑到見牙,然後溫馨地行過對面馬路上七人車離開。

化淡妝嘅大眼郭碧婷突除下白帽望鏡撥弄長髮,嘴唇半開又O嘴仔,電力十足。

高大向佐man爆拖實甜美未婚妻郭碧婷步出潮店。女方嚟港又有禮物收,開心到成個小朋友咁彈住行又大笑。

兩位真係好恩愛!