獲郭晉安看好問鼎視帝 馬國明自爆：朋友話從未見過我咁型

馬明笑稱獎項只是錦上添花，寄望收視愈高愈好。

馬國明、郭晉安、李佳芯、姜大衛等為《白色強人》劇集宣傳，馬明即場報喜，宣佈首集平均收視有28.7點。馬明表示此劇題材有別於一般師奶劇，估不到反應如此好。問他有何表示？他說好開心，劇集播出後有很多人讚好看，證明觀眾接受這類題材。之前說過這劇拍得他好有型，問有否幫到收視？他笑笑口說不敢講，但有朋友說從來沒有見過他如此有型。可有信心憑此劇奪視帝？他自言沒有去想，只希望大家鍾意，獎項只是錦上添花，寄望收視愈高愈好，要他請食飯沒問題。他戲言劇中多女神，如果要露應找女藝員露。說到他也是男神，他叫記者問安仔，若要還大家一齊還。

李佳芯、郭晉安、馬國明

安仔建議若收33點就與馬明合唱《沉默是金》。

現場郭晉安跟著一齊做瑜伽，安仔自嘲骨頭脆。筋骨較硬的他說平時有踩單車及打網球，但未試過做瑜伽。李佳芯指收視好希望男藝員露腹肌，安仔笑言未練好，反指女藝員應該露8嚿腹肌。他建議若33點收視與馬明合唱《沉默是金》，之前登台聽過馬明唱歌。他指馬明的角色好柔情令人鍾意，並看好馬明今年奪視帝，會投馬明一票。他表示往年頒獎禮也貼中，但不想給馬明有壓力。問他為何讓賽？他說獎項是觀眾給他們，相信之後還有很多強勢劇集推出，因此現時不應有太多想法。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。