火藥味甚濃。
行政長官林鄭月娥上周六宣布暫緩《逃犯條例》修訂暫緩前，在禮賓府會見一眾建制派人士，據《東周刊》報道，工聯會議員麥美娟在會議上粗口大罵「X街」，火藥味甚濃。
麥美娟據悉向林鄭月娥當面爆粗「X街」。資料圖片
《東周刊》想多名知情人士了解建制派怨氣大爆發的原因，係覺得十分委屈，皆因林鄭煞停修例前僅知會少數行會成員，大部分建制派仍蒙在鼓裏。據悉，麥美娟在會議中大聲説：「你太天真啦！依家就算暫緩（修例）人哋都唔會收貨！」
麥美娟據悉向林鄭月娥當面爆粗「X街」。資料圖片
林鄭解説係工作做得唔夠好，麥美娟扯火，話「唔好賴解説工作，一開始特區有政府就低估政治形勢，我啲兄弟落去解説日日被人X！X街，你試下落區日日畀人X呀！」林鄭一臉錯愕，但繼續努力辯解。
何俊賢批評林鄭月娥令建制派難以交代。資料圖片
麥美娟谷爆繼續狂數，話一味叫建制派唔好動搖，所以即使有逾百萬人遊行反修例，工聯會依然去美國領事館拉橫額鬧美國佬，麥繼續說「依家話撤就撤，咁當初有過百萬人上街，嗰時又憑咩咁堅定？」麥美娟鬧足5分鐘收唔到制，林鄭忍到呢一刻終於淚灑人前，麥美娟隨即說「依家喊有咩用？你識喊！我都識喊！」自己亦喊了出來。
林鄭月娥今日親身公開道歉。資料圖片
漁農界議員何俊賢加入護花，力數林鄭令建制派今後難以面對街坊，選舉將陷苦戰。同場你建制派你眼望我眼，沒有人敢勸停。
會後有建制派議員對麥美娟呢番烈女舉動叫好，直言講出部分議員心底話。有建制派話，今次撐修例弄得身心俱疲，擔心多年地區深耕細作一鋪清袋，問特首係咪無當佢哋係盟友，「過往好多政策都係一推就推，都唔同我哋商量，今次轉軚又係咁」
《東周刊》問過麥美娟，佢無承認又無否認爆粗，只話「唔好問我，會議内容唔講得」。
