排隊上車是常識吧~
近日一名火爆阿伯在港鐵等車時拒絕排隊，打尖時被人指責後，更出手打人又連環起飛腳。有乘客見狀報警，阿伯隨即躺在地上，又以手掩着胸口喘氣。不過等到警員趕至了解時，阿伯突然無事，能自行坐起並拒絕送院。劇情峰迴路轉，引起網民熱論。
影片截圖
有網民在社交網站Facebook上載影片，分享事件經過，指周一晚上約10時，在港鐵北角站有一名阿伯未有排隊，打尖站在閘門前中央。其他乘客見狀出言勸止，怎料阿伯大聲反駁：「我係咁㗎喇！」，樓主稱：「大佬我唔攞手機拍你都唔得啦，點知大家一攞起手機，呢位長者就急不及待地喺月台表演武功，連揸機嘅女人都唔放過，好難得近距離拍到最驚險嘅一幕！」
根據影片可見，當時阿伯與一名年輕男子發生推撞，一名外國男子見狀上前阻止並作出勸喻，惟阿伯未有理會，其後更連環起飛腳以阻止其他乘客拍攝，險踢跌其中一人手機。其他乘客紛紛上前勸阻，阿伯眼見形勢不利，隨即辯稱：「我無打人！」。
被踢中的事主其後報警求助，阿伯見狀企圖離開，但被其他乘客阻止。此時，阿伯突然躺在地上，又以手掩着胸口喘氣，有旁觀者大叫「唔好扮嘢啦！」，亦有人上前查看阿伯情況，檢查呼吸等，另有人聯絡港鐵職員協助。
影片截圖
港鐵職員其後推著輪椅抵達，樓主引述職員稱：「阿伯唔好吸地氣呀，唔健康㗎！」樓主最後表示，「阿伯你要明白，郁手郁腳唔文明呀，打尖真係唔啱㗎，知無？同埋記住，周圍都有CCTV同埋手機㗎~
想屈人，都用下個腦先啦好無？」，並hashtag「#香港好亂」、「#仲要應付啲恃老賣老嘅無賴」、「#警察到後問佢使唔使送佢入院」、「#佢就唔使入院咩事都無坐返喺度」。
貼文引發網民熱論，不少人批評阿伯恃老賣老，「打完人扮冇事？」、「你做多咗啦...起身啦」、「你下下踢到咁高，被你踢中都唔少嘢，仲學人出茅招」、「以佢年紀出腳算快，真係食過夜粥」、「「好假哦 ... 笑死」」，不過亦有人認為對方只是老人家，「打尖啫都唔駛咁對老人家嘅」、「成班後生仔女圍插一個老人，於心何忍？」。
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
