朱晨麗勁忙慘被cut戲 湯洛雯補拍《法證IV》狂NG

大家都要加油啊！

梅小青監製的《法證先鋒》系列曾創下43點最高收視佳績，故《法證先鋒IV》落足「彈藥」拍足半年，主角黃浩然、李施嬅、陳煒及朱晨麗（朱朱）等拍到好辛苦，飾演重案組警員的朱朱曾發燒發到38度，嘔到七彩都抱病開工，為部劇出盡力。不過，一個黃心穎搞到TVB叫晒救命，重頭劇《法證先鋒IV》要斥巨資補拍，湯洛雯（靚湯）臨危受命頂替心穎上陣。

原本在劇中飾演記者的心穎同朱朱關係密切，對手戲勁多，正因為要cut晒黃心穎相關的群戲同對手戲，連朱朱穿著bra top與心穎一齊打拳戲份都無得留低；而重拍受製作費及演員放假所限只能拍到50組，大概一個月左右務必完成，朱朱又正趕拍擔正的《大醬園》，無論時間及體能都不容許與湯洛雯補戲，唯有作出犧牲。

朱朱同何廣沛拍緊《大醬園》，因為天雨影響好趕工。

原裝《法證IV》中，朱朱同心穎好多對手戲，但據知朱朱已被Cut走大部份戲份，包括呢場打拳戲。

對於朱晨麗被瘋狂Cut戲，監製小青姐承認不朱朱補拍，但話無cut走她的戲份，究竟拍對手戲點樣可以刪走心穎又同時保留到朱朱戲份？靚湯補拍而朱朱無補拍的情況下同時又要怎樣保留朱朱原有戲份？而拍劇拍到天昏地暗的朱朱完全不知道不用補拍，「我都係等公司派通告，有工開我一定會開嘅，都係為咗公司啫，最緊要套劇出到街。」

之前小青姐率鮑姐、浩然、心穎去台灣拍《法證IV》外景，補拍版當然cut得就cut

李施嬅、陳煒、黃心穎、朱麗晨

重拍版《法證IV》經已開工，上周二（11日），黃雨過後，黃浩然、李施嬅和靚湯在跑馬地墳場拍外景，劇情講靚湯被黑社會追，她跑去找正在拜山的黃浩然、李施嬅救命。當日雨後又熱又焗，山頭相當多蚊，演員們為連戲要穿著冬裝，熱到汗水夾住雨水，相當難頂。披著長頸巾，身穿外套的靚湯跑到索晒氣，同時可見，靚湯發福情況嚴重，虎背熊腰、雙下巴加凸腩，難怪她說喪跑很好，當減肥！

當日落完大雨，黃浩然、李施嬅及湯洛雯要喺墳場拍拜山場口，黃浩然話多蚊到黐線。

靚湯跑住出場，佢話大熱天又着得多衫，跑步好辛苦當減肥。

可能壓力大，靚湯愈減愈肥，雙下巴加虎背熊腰，周身肉。

拍小青姐的戲出名不可以改對白，據當日觀察，靚湯講一句對白至少NG五次，但黃浩然和李施嬅好包容，仍耐心地就住靚湯進度來拍攝，夾手夾腳收拾「爛攤子」。浩然還大讚靚湯好快上手，又如感恩可以重拍，就算有影響都是正面，天敵反而是蚊；至於靚湯同心穎有什麼不同？他說：「好難去比，兩個都係好鍾意笑嘅女仔，好適合做呢個角色。」至於已離巢的李施嬅就坦白無想過要重拍，但離開了TVB有homesick，重返感覺好親切。對於不斷NG，靚湯坦認不足，「因為要喺短時間記好長嘅對白，我口齒唔夠伶俐，呢方面要加油。」

因為太熱，李施嬅要不斷吹風扇降溫，佢最陰功，本來已離巢可以放長假。

靚湯坦認口齒唔伶俐，又要短時間背長對白，為怕再NG所以要努力。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。