娛圈事
兩個果然係好朋友
鄭欣宜與許廷鏗（Alfred）齊齊為卡通電影《樣衰衰奇兵》配音及唱主題曲，二人都指角色醜得可愛，又互爆對方醜態！Alfred曾在欣宜家中趴在枱上睡著兼流口水，而欣宜自詡可隨時隨能以胃氣產生暴龍式巨響。
資料圖片
兩位好友雖然分開配音，但仍十分有默契，許廷鏗透露︰「我們是分開進行配音，每人錄一天，梅花間竹，所以我逐漸聽到她加入了甚麼去塑造角色，包括她個人獨有的特質，雖然分開但感覺是一起交流為動畫配音。」欣宜更難忘被Alfred透過角色「言語攻擊」，笑言：「我在錄音室聽到忍不住真的哭了！但是因此令效果很好，一take完成！」Alfred笑言曾在配音期間致電欣宜，卻因她太入戲而指他刻薄討厭，感到無辜。
鄭欣宜與許廷鏗齊齊為卡通電影《樣衰衰奇兵》配音及唱主題曲。
許廷鏗表示當實體唱片是自己的卡片。
許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴，但Alfred指只要有人買同要他簽名，他都會製作。
