*

upload_article_image

勤練廣東話瞓身演「小三」 松岡李那獲張建聲大讚專業

而另一女主角何佩瑜亦因角色主動增肥20磅!

張建聲(Justin)監製及孭飛的新戲《作家的謊言:筆忠誘罪》最近上映,演作家的張建聲,搵來松岡李那(Linah)演「小三」角色。松岡李那為了演好角色,苦練兩個多月廣東話,更自發日日拍片做功課,令Justin非常讚賞。戲中兩人雖然有不少情慾戲,但Linah 謂事前排好晒,而且點到即止,所以Justin不需同女友陳嘉莉報定案。

Linah話拍攝時要兼顧講廣東話同演戲,真的不容易。

Justin謙稱不敢以監製自居,因整個過程都只是學習階段。

首次做監製的Justin 兩年前睇劇本已好鍾意,但當時未夠能力,最後獲老闆蕭定一鼓勵,正式搵投資者,但遇上好多困難,「除咗好多時似白做咁,用錯力去同投資者傾,甚至差啲畀人抄橋一腳踢開,不過我認為係一個好好嘅學習經驗,所以由始至終都覺得今次自己係個學徒,唔係咩監製。」

Justin和Linah合作後成為好朋友,擺親密甫士都不覺尷尬。

作家「徐哲」搭上租客、保險經紀Elaine,偷食勁開心。

Justin好感激台前幕後都好合作,特別是兩位女主角,「何佩瑜主動增肥20磅兼素顏演出,Linah就苦練咗兩個幾月廣東話,就算喺夏威夷工作緊,都主動拍片交功課畀我同翻譯,佢哋減輕咗我好多壓力,可以專注番其他方面。」Linah 話學廣東話確實好困難,「但好多謝Justin同劇組信任,自己都想挑戰吓去完成。」但要她即場講番句戲中對白,她竟然只記得句夾雜粗口的對白,Justin就幫手解釋因Linah 每次講大家反應都好大,所以她特別有印象。Linah 又坦言對於戲中的性感演出唔擔心,「事前同Justin綵排好多次先正式拍攝,而且點到即止。」雖然拍攝時兩人曾傳緋聞,但Justin話拍情慾戲事前唔使同女友陳嘉莉報定案,他更強調要公私分明,所以冇安排女友演更重要角色。

Justin話安排女友陳嘉莉演女警,絕對無徇私。

Justin讚演老婆的何佩瑜主動增肥20磅兼素顏演出,相當賣力。