蘇施黃被窒「活火山」即爆

要爆嘞！

蘇施黃（阿蘇）與和泉素行（Soko）首度為ViuTV拍攝的旅遊節目《厲害了﹗蘇哥兒》定於下周一首播，是次兩人到訪櫻島活火山，豈料Soko竟膽敢取笑牙尖嘴利的阿蘇是香港活火山，自然成炮灰！當Soko笑指阿蘇的脾氣像櫻島活火山時，全組人已戰戰兢兢，阿蘇已立即反擊：「我的脾氣不是水蒸氣，是火呀！我就是個超級活火山。」

拍攝期間不夠醒目的Soko更被阿蘇爆粗提點他要專注、投入和醒目一點，豈料Soko不知好歹竟然「駁嘴」，甚至挑戰阿蘇的味覺和感覺，終激到阿蘇一而再大爆發，直問：「你係咪吸毒？吸毒先會咁無記性㗎！」嚇得Soko即刻道歉。

《不日成婚2》中飾演衛詩雅奶奶的金燕玲擔任《衛食攻略》嘉賓

衛詩雅（Michelle）拍攝的網上飲食節目《衛食攻略》，30日上架的一集請來於電影《不日成婚2》中飾演衛詩雅奶奶的金燕玲任嘉賓。為了招待識飲識食的金燕玲，Michelle一早到達出名食中菜的「駿景軒」準備，並謂：「今日一定要妥當啲！」之後洗餐具、向餐廳經理double check食物情況、更連坐位是否風口位也要檢查，認真貼心。金燕玲到場後即大讚Michelle安排的餐廳，「唔係讚你公司，我真係佢哋嘅擁躉，如果晏晝飲廣東茶，我一定嚟呢度飲，晚飯更加唔駛講，唔係賣廣告，係真心，呢度冇乜嘢我覺得唔好食。」

相關影片可以按以下畫面觀看：

影片連結：www.youtube.com/embed/tWSnskfQUcE

二人邊食邊傾偈，Michelle提到大家對金燕的印象應該是早上六點起床，會看小說，做瑜珈，到花園走走，很寫意的生活，但金燕玲表示：「好似每樣都唔係，我好夜瞓，平均三、四點先瞓，早起身對我嚟講係一件好痛苦嘅事。」她提到曾經有位記者想跟拍她一星期的日常，當中牽涉蘇施黃，「佢意思係點解一個女人好似我咁樣經歷咁多嘢，離過兩次婚、無端百事最後又同個女人一齊，跟住又生兩次cancer，佢會覺得點解一個人身上可以發生咁多事。」問到如何認識蘇施黃？金燕玲坦言二人一開始只是雀友的朋友，一點都不熟，「佢知道我當時嘅處境，可能佢鍾意我啦，又覺得我好慘，佢話：『人哋撈呢行你又撈呢行，你撈得咁淒涼？』嗰陣時我都五十歲，其實我係想講，『我係貪圖你照顧我。』但你係我嘅partner，我哋係一齊住，你出去你都係我嘅the other half！」金燕玲謂並非因為離婚受了刺激而轉性取向，而是因為蘇施黃提供一個照顧她的方案，「但我話：『我唔係攣㗎喎。』同埋我話：『我唔識㗎喎，你要做乜㗎？』哈哈！」

金燕玲又大爆蘇施黃追她追到去英國，「你都唔知佢追我時係幾咁romantic，佢情人節飛嚟倫敦一日。佢呃我話有個朋友會嚟倫敦，問我喺香港有乜嘢需要買，託佢拎俾我。我話英國好難買中式鑊，如果佢朋友唔介意就幫我買兩隻鑊過嚟啦，哈哈。之後一日佢話佢朋友到咗英國，俾咗酒店地址叫我搵佢攞，第二日晏晝去到就係佢囉！之後佢就同我食晏，又請我上佢房，我又好夠膽上去，上到房係完全冇嘢做，只係傾偈。」她坦言二人一起，相處了差不多五、六年的時間，她才覺得舒適。蘇施黃更改變了她的想法，從一個「唔知可以捱到幾耐」的心態跟她開始，「結果我同呢個人嘅時間係長過我兩段婚姻加埋！佢從來冇逼我做任何事。我哋一人一間房，生活獨立、經濟獨立，但係屋企照顧佢做到嘅佢盡量照顧晒。」因為蘇施黃，金燕玲對愛有新的體會，「以前兩段婚姻我係奉獻，對方鍾意呢樣嘢，我就去做，氹佢開心，付出係冇問題，但付出到冇自己就係一個問題。」她更警醒女性們，「為屋企為老公為仔女付出係應該，但你唔可以冇咗自己，你應該要保持自己嘅興趣，同埋工作。」

蘇施黃被窒「活火山」即爆

娛圈事