網民集氣成功！
組合BOYZ去年在九展舉行首次售票音樂會，門票開賣一個鐘已秒速售罄，音樂會當晚全場爆滿，反應叫好叫座。事後歌迷意猶未盡，並指要集氣將他們推上紅館。日前終於有好消息，紅綰已正式批出9月14日檔期，讓BOYZ舉行入行16年首個紅館演唱會。
BOYZ去年在九展舉行首次售票音樂會，反應叫好叫座。
BOYZ去年在九展舉行首次售票音樂會，反應叫好叫座。
BOYZ透過經理人霍汶希（Mani）表示好開心，「啱啱知道攞到期，場數未定，要睇紅館及觀眾反應，我哋出道咗16年，今次係我哋第一個紅館騷，好期待。」Mani則指，既興奮亦頭痕，因為Kenny之前接下兩部戲，同演唱會撞期。Mani指，「本來想推一部，但我哋簽咗約推唔到，佢啲期好緊張，但公司一定會留足夠嘅時間畀佢哋練歌練舞。」被問到演唱會上有何驚喜，Mani則指「睇吓佢哋機器壞未」，並指「未生銹就繼續打前空翻後空翻，今次係集體回憶，佢哋會唱番經典歌」，更指謝霆鋒、容祖兒、Twins等師兄師姐一定會到場支持。
Kenny日前受品牌邀請，飛到法國參加巴黎時裝周。
另外，Kenny在時裝界亦有突破，日前受品牌邀請，飛到法國參加巴黎時裝周。Kenny指，感到受寵若驚，「平時做嘢托賴有好多品牌會俾啲好靚或者當季嘅新款衫俾我着，自己亦一直買好多，之前做騷都會有着，但係真係飛到咁遠去睇個brand成個collection、同埋brand story、真係第一次，所以感覺又新鮮又興奮。」
資料圖片