古媽同佘媽私下好老友 組團拜龍母拜到肇慶

兩位媽咪好老友

古天樂（古仔）同佘詩曼（阿佘）喺工作上時有合作，而難得兩位星媽私下亦非常老友，經常約埋出埠旅行，又不時會見面飯敍。

古仔出名孝順，相信古媽亦為乖仔向龍母祈福。東周圖片

外表跟作風都洋化嘅佘媽，都有參加拜神團。東周圖片

東姑知道，古媽同佘媽喺早前就約埋大班朋友，一團四十幾人組成咗個祈福團，出發去咗肇慶悅城嘅龍母廟參拜。其實，近喺香港的荃灣，都有間香火鼎盛的龍母廟；不過，嗰日係龍母誕正日，一班人以示誠心，就專誠走到龍母總壇的悅城龍母廟拜神。而虔誠的古媽，仲供奉大大份祭品，相信為乖仔古仔祈福之餘，亦都係祈求闔家平安、身體健康等等啦！

戴住大大頂太陽帽及掛頸風扇嘅古媽，裝備齊全北上到肇慶拜龍母。而祈福團仲有佘媽，以及前《歡樂今宵》藝人吳麗珠。東周圖片

祈福團一場去到肇慶，拜完神就梗係順道開餐，歎吓地道名菜。東周圖片

而外型洋化的佘媽，亦有份參加呢個拜神團，成班人拜完龍母，就去開餐歎吓肇慶的地道名菜，不枉此行。不過，佘媽的乖女阿佘日前就唔多順心嘞，被發現佢喺社交網讚好一張「反逃犯條例」示威集會圖片，跟住慘被內地網民鬧爆。事後，阿佘急速收回讚好，並解話只係唔小心錯點讚，表明自己愛國愛港，唔希望有心人過份解讀。好彩呢個小風波，得到大部分內地網民的體諒，仲幫口為佢闢謠，可能都係多得佘媽幫乖女拜得神多，所以自有神保祐喇！

虔誠嘅古媽（右），準備咗好大份嘅祭品拜龍母，連吳麗珠都戙起手指公讚勁！東周圖片

古天樂再次抽空出席媽媽的飯局，氹得一班長輩好開心。

古天樂在圈中一向人緣好，他的媽媽李綺雯亦與不少圈中人熟絡，近年不時於囝囝旗下食肆宴請好友聚會，雖然古天樂公事繁忙，但而出名是孝順仔的他只要一有時間必定畀足面媽媽，親自招呼各位長輩。近日古媽媽又設宴與好友聚會，同場還有90年代性感女星葉子楣。

古天樂媽媽近日宴請好友聚會。

古天樂又抽空現身。

資深傳媒人汪曼玲在Facebook分享飯局照片，並留言：「芳菲四月。多謝古媽媽筵開三桌，邀請大家@名廚吃晚飯。古天樂特別抽空出席，很受歡迎，和大家輪着拍照留念。」相中可見，除了「星級媽媽」吳君如媽媽冬嬸、佘詩曼媽媽Lily（佘媽）、湯盈盈媽媽外，還有吳麗珠、連炎輝，以及90年代性感女星葉子楣。罕有出度古媽媽聚會的57歲葉子楣悉心打扮靚珇身，一身全白露腰裝，大騷其36F逼爆上圍，與古天樂合照時挽實對方手臂，而古天樂則恭敬地緊握雙手擺在身前，盡顯紳士一面。

資深傳媒人汪曼玲在Facebook分享飯局照片。

資深傳媒人汪曼玲在Facebook分享飯局照片。

除了「星級媽媽」吳君如媽媽冬嬸、佘詩曼媽媽Lily（佘媽）、湯盈盈媽媽外，還有吳麗珠、連炎輝，以及90年代性感女星葉子楣。

90年代性感女星葉子楣都有出席。

葉子楣以全白露腰裝現身，大騷其36F逼爆上圍。

古天樂甫現身即識做與大家影合照。

與葉子楣合照時恭敬地緊握雙手擺在身前，盡顯紳士一面。

古天樂早年以千萬收購位於銅鑼灣摩頓台的名廚酒家，據知他收購此餐廳是因為父母喜歡在這裡吃飯，出於孝順，他就將整個酒家給承包了下來。

古天樂出名是孝順仔。