*

upload_article_image

密密拍戲搵真銀 黃德斌抽空同老婆行街拍拖

好恩愛啊~

黃德斌近排人氣急升,皆因剛播完嘅無線劇《婚姻合伙人》中,佢有場強姦咪神高海寧嘅戲,加上離開大台後,片約不絕又有event搵真銀。近排佢就忙住拍攝英皇電影《怒火》,日前傍晚終於有時間同老婆拍下拖,兩夫婦去咗圓方拍拖睇戲食飯shopping兼買餸,得一日假,梗係要用盡啲啦! 

兩公婆坐低歎拉麵,才取車走人。

黃德斌去年離開大台,憑《逆流大叔》首獲提名金像最佳男配角,其後與劉德華、劉青雲合作拍攝《拆彈專家2》,又與周潤發合作《驕陽歲月》。近日,佢亦有份拍攝陳木勝執導嘅英皇電影《怒火》,戲中與甄子丹及謝霆鋒合作,自然不乏動作場面,打到周身痛,之後緊接又開另一部警匪片,暑假都無得休息。

保養得好好嘅黃德斌,原來愛食蔬果,呢日買咗蘋果、水蜜桃、木瓜等。

黃德斌有睇吓衫,似想置裝出騷。

日前傍晚,難得有日假,德斌做番廿四孝人夫陪老婆Joyce行圓方。見兩公婆喺戲院行出嚟先去睇衫shopping。人夫睇吓男裝,又與認出佢嘅店員笑笑口打招呼,表現親民。行咗幾間,德斌無收穫就陪愛妻行吓超市,二人買咗大量蔬果,食得咁健康,唔怪得德斌年過半百都keep到一身爆肌身材啦!買咗兩大袋餸後,兩夫婦隨意喺超市外揀間小店坐低歎拉麵。二人一邊食,一邊有講有笑,恩愛放閃。

Man爆黃德斌一手拎住兩袋餸,同老婆一齊睇單。

黃德斌老婆Joyce手拎暖壺,同老公去街都share滋陰飲補品。

黃太間中愛繑實丈夫,好恩愛㗎!

早前,黃德斌喺大台嘅告別作《婚姻合伙人》播出,同高Ling有親熱戲。

去年,黃德斌終於迎娶圈外女友Joyce入門,儀式簡單又溫馨。