楊岳橋拍片反駁，指網民搞錯咗！
修例風波出現一股「起底潮」，其中警察在網上成為重點「招呼」對象，民主派人士也「領嘢」。近日有社交媒體專頁將公民黨立法會議員楊岳橋太太起底，話佢所做嘅律師行其實專門幫國企上市，批評楊岳橋一家人「老公反送中，老婆就北上努力賺人仔」，呼籲國企、港企杯葛佢公司咁話。不過楊岳橋昨日拍片反駁，話佢哋搞錯咗喇！
楊岳橋話，呢件事不會影響到太太同自己。資料圖片
據楊岳橋片中所講，網民查到的是舊料，太太目前自己開律師樓，已經無幫國企搞上市。他又以民主黨創黨主席李柱銘都曾經幫過民建聯前議員程介南為例，話專業律師不可以因為政治立場揀客，而喺商業社會裏面，亦唔會有客理你係藍定黃，只要你幫到手就得。
楊岳橋話，呢件事不會影響到太太同自己，因為太太全家都好支持自己，即使岳父是退休警務人員，其政治立場都係「好黃」，「佢哋無論六四、六九、六一二、六一六都有去。」楊岳橋又話，相信佢嘅支持者一定會明佢哋做緊咩。