*

upload_article_image

慶回歸表演 菊梓喬失聲咪嘴唱足5首歌

慘!

張敬軒、菊梓喬(Hana)等慶祝國慶70周年及香港回歸祖國22周年的音樂嘉年華活動,原定韓星Rain(鄭智薫)作為表演嘉賓之一,但其經理人公司稱Rain因身體抱恙未能出席,但在活動相近時間,Rain於ig上載早前大熱的童顏濾鏡照,留言有趣,亦自認遲來的潮流玩意。

失聲到場的Hana,全程未能發聲做訪問。

Hana全程未能發聲做訪問。

失聲到場的Hana,全程未能發聲做訪問,只靠點頭兼手語及由同事代為回應。Hana表示日前做完騷後著涼引致發燒兼失聲,不過已打開聲針;雖然病倒,但相信幾日後會康復,亦無礙下月舉行個唱的排練。她說:「原本出席今次活動會唱7首歌,但唱唔到。不過一樣會上台表達謙意,因為好多粉絲專登到場,覺得對不起粉絲。」她續謂原本在後台還研究可否繼續演出,最終也打消念頭,因為擔心影響演出回歸騷,寧願爭取休息,公司亦沒有安排找人頂替。

Hana覺得對唔住歌迷。

原本菊梓喬表示未能出場唱歌,只會上台向粉絲致謙,但事隔一小時後,工作人員指她有好轉可以上台唱歌。由於出場時間延遲一小時,期間在場觀眾有人大叫:「出黎呀!」當菊梓喬出場後,只能咪嘴唱歌,更向台下觀眾三度鞠躬以表謙意,而且以微弱聲線說:「大家好,今日好抱歉,唱唔到歌畀大家聽,希望可以在台上跟大家一齊。真係好想在咁大咁靚嘅舞台上面唱歌,但對唔住!」咪嘴唱歌期間,菊梓喬忍不住落淚,表現得十分無奈。唱第4首歌曲之前,她又跟觀眾說:「可唔可以同我完成呢個表演?」最後菊梓喬咪嘴唱足5首歌曲。身為大會公關的鄭紹康,於台上說:「大家有冇聽過咁嘅音樂會,佢唔舒服好多日,但佢好專業努力歌手,唔想大家失望,所以同呢個特別演繹畀大家。」

Hana覺得對唔住歌迷。

Hana覺得對唔住歌迷。

事後菊梓喬接受訪問時,表示感到內疚,因為粉絲到場很久,於現場感到好有愛,亦強調沒有被大會要求出場唱歌。

想喊