*

upload_article_image

為演音樂劇同老婆嘈交 狄龍碌落樓梯孫仔嚇到喊

敬業樂業

閻奕格、沈震軒、狄龍主演的音樂劇《搭錯車》一連12場圓滿結束,下午在理工大學作尾場演出,並向觀眾謝幕。閻奕格對演出滿意,坦言不捨,期望在新加坡站再見。她表示為養聲半年來都早睡,也戒辣,計劃食麻辣火鍋獎勵自己。

音樂劇《搭錯車》

72歲狄龍指以其年紀而言排練很辛苦,特別是練手語時練到血壓飆升,太太陶敏明一直為他打氣,笑說:「佢叫我唔好退出,係先苦後甜,因為今次係佢幫我簽,佢會有法律責任。」狄龍笑言兩公婆曾為演出嘈過交。

音樂劇《搭錯車》

狄龍每場都要演出一段碌落樓梯戲分,後輩沈震軒看到都嚇親,大讚龍哥專業。狄龍指孫兒有睇他演出,說:「有同佢哋講爺爺係演出,點知啲孫睇完都驚到成晚喺度喊!」問會否隨隊到新加坡演出?他笑說:「要問過我啲關節!(唔係問過太太?)太太尊重我啲關節。」兩位後輩都大讚狄龍很風趣,狄龍則笑指閻奕格不夠世故,因而經常被他的笑話嚇到。

沈震軒、狄龍、閻奕格

狄龍獲太太到場打氣,提到啲孫錫爺爺,見到他碌落樓梯喊足成晚。