*

upload_article_image

82歲謝賢首做阿公 有孫女嗲歎茶勁風騷

四哥有孫女萬事足。

多得梁詠琪送BB衫,婷婷就讓B女下半臉亮相。(資料/ig圖片)

早前,四哥謝賢愛女、36歲謝婷婷突然在社交網分享和BB手捉手照片,驚爆宣佈榮升人母100天,消息震撼全城。榮升外婆的狄波拉表示已見過及抱過BB,更開心笑言自己同婷婷都靚,所以孫女都生得靚。首做阿公的四哥除咗有兩個寶貝男孫,從此多咗粒孫女嗲吓自己。日前下午,四哥現身中環歎茶,與兩男友人有講有笑,心情大好。

資料圖片

獨居近億元豪宅嘅謝賢,去年7月自爆與細39歲嘅上海女友CoCo結束12年情,回復單身曾大呻寂寞。不過日前四哥卻現身在台灣,與首任妻子甄珍重逢,撐前妻出自傳《真情真意》,過氣夫婦相隔45年再見,四哥第一句竟笑問甄珍:「你有沒有愛過我?」

四哥同家庭醫生(背面)風騷歎茶。

四哥近日已榮升外公,愛女婷婷在美國秘密生女。有指B女嘅「經手人」並唔係同婷婷傳過緋聞嘅荷里活男星「鷹眼」謝洛美維納,而係女方當年在溫哥華讀書時認識的朋友,二人近年先蜜運,男方家境不俗。雖然四哥一早有前新抱張栢芝,為佢生咗兩個寶貝孫仔,分別係現年11歲嘅Lucas和9歲Quintus,但兩個孫一直跟栢芝住,過時過節先見面,而孫女就好唔同,婷婷如果返港就一定黐實daddy,屆時四哥可以日日有B女嗲,真係甜在心頭。

四眼家庭醫生楊毅敏office喺中環,是四哥歎茶鐵腳。

日前下午4時許,四哥慣性去中環某一名店商場露天茶座搵朋友high tea。除了有他的家庭醫生楊毅敏外,仲有位白髮男友人,三個大男人分別點了沙律、湯麵、焗飯等慢慢歎。見四哥不時笑笑口吹水,心情勁靚。食至近尾聲,四哥嘅高大男外傭前來會合,叫了杯飲品後就離開。四哥一邊行一邊繼續吹水,然後在男外傭陪同下,散步至近上環才上車返家。

霆鋒已為人父多年,如今阿妹婷婷生咗個女,拉姑和四哥兒孫滿堂。

16年底,婷婷曾跟「鷹眼」謝洛美維納傳出緋聞,但男方強調二人只是朋友。

上次晒小丫腳(ig圖片)

100日晒手仔(ig圖片)