果然係持家有道！
人稱「家燕媽媽」的薛家燕，育有兩女一子，全部都已長大成人，囝囝石耀庭早前仲結婚成家立室，家燕姐榮升做奶奶，飲完杯新抱茶之後，當然心急等抱孫。難得，佢幕前演出咁繁忙，都仲持家有道，絕對係個稱職的慈母。
向來成個開心果嘅家燕姐，買麵包畀仔女時，都不自覺咁會心微笑。東周圖片
眼明手快嘅家燕姐，打開麵包櫃揀咗幾個大麥包；而身旁嘅外傭，就拎定餐盤stand by。東周圖片
據《東周刊》報道，早前下午約五點，家燕姐同外傭在圓方商場一間麵包西餅店，眼明手快揀咗兩個大麥包，再挾給捧住個餐盤喺度stand by嘅外傭。之後，再由外傭負責排隊等埋單，而家燕姐就施施然睇吓雪櫃的西餅蛋糕。睇得出，家燕姐確係賢良淑德，「廿四孝」到親身買埋麵包，幫啲仔女預備第二朝的早餐。好彩身邊有個外傭貼身侍候，家務瑣事先幫輕唔少咋！
趁外傭排隊等畀錢期間，家燕姐再睇下有乜西餅蛋糕啱仔女口味。東周圖片
網上圖片
更多娛樂消息，請看東周網：http://eastweek.my-magazine.me/main/entertainment
李思捷接受新城「開心大派對」訪問公開扮嘢小貼士。
李思捷今日（4月6日）接受新城「開心大派對」主持薛家燕、范振鋒、思敏直播訪問，家燕姐讚李思捷有份主持的TVB新節目《福祿壽訓練學院》令到對演藝好有熱誠，但沒有機會表演的一群學員，有機會在螢光幕上表現自己才華，家燕姐更對其中一位學員前天堂鳥隊員Gordan（葉泓聲）扮羅志祥十分欣賞，思捷也讚Gordan一向跳舞好出色。
李思捷接受新城「開心大派對」主持薛家燕、范振鋒、思敏直播訪問。
家燕姐大讚思捷是喜劇中難得的人才。
李思捷在訪問中表示《福祿壽訓練學院》參賽者有藝人，也有不少素人參加，坦言比賽初期，藝人有演戲經驗比較着數，不過他相信只要素人上多幾次舞台，潛質就會發揮出來，他希望《福》節目能夠好似《中年好聲音》搞得一樣出色，也不介意與學員們合作做併盤，希望為觀眾帶來更多開心喜劇及表演。
李思捷希望《福祿壽訓練學院》節目能夠好似《中年好聲音》搞得一樣出色。
思捷與三位主持人傾到雞啄唔斷。
李思捷感謝有幸參與《歡樂今宵》
家燕姐指思捷是喜劇中難得的人才，唱得、講得、扮得又有幽默感，尤其扮鄭少秋及四大天王相當神似，思捷公開扮嘢秘訣：「小貼士，演出時唔好望鏡頭，如果望鏡頭的話，就會不停提自己注意好多嘢，唔望鏡頭才可以集中精神諗著扮演的人。」他並透露盧海鵬曾教他扮嘢誇大10倍就可以。
在節目中李思捷談到當年好幸運能參與最後一季《歡樂今宵》(EYT)演出，當時有幸參與的新人還有黃宗澤，他感謝當年「EYT」給他機會：「所有拍檔都是勁人，學到好多嘢，之後TVB更安排做台慶司儀…….」正當家燕姐及阿范忍不住插咀大讚之際，思捷馬上補充：「但係有12位司儀，我的對白只得兩句，哈哈！當時TVB揀我或崔建邦，最後揀咗我，崔建邦不太開心，我叫佢不用唔開心，之後公司再搵我單獨拍節目宣傳片。」家燕姐即好奇地哈哈大笑問他請咗邊位請食飯？思捷即笑答：「當時好窮，點會有錢請食飯，直至福祿壽騷才開始有錢。」
氣氛熱鬧！
詳細精彩內容，請重溫4月6日，下午2-4時，新城知訊台《開心大派對》節目 ，重溫網址：https://www.metroradio.com.hk/MetroInfo/
