新書講男人經 森美讚老婆夠靚又夠姣兼有學識

娶到個咁正嘅老婆，森美仲點敢曳曳！

金牌主持人森美，近日推出兩本新書，其中《「偷食」最幸福》中，他似有感而發說：「男士們，『偷食』其實從來都不幸福！」曾一度被捲入「安心」風波，被指是與黃心穎過從甚密的電台DJ，森美否認書名係乘機「抽水」：「件事都過咗啦，做人唔好畏首畏尾，其實本書係講自己唔係旅行達人，卻主持咗受歡迎嘅旅遊節目《森美旅行團》，自己唔專長但『偷』人哋嘅嘢嚟食啫。」

滿肚墨水的森美以往出過13本著作，今次出書除留為紀念外，仲分享近年的生活日記，當中會理智地分析對愛情睇法。

今年書展，森美除了推出結集《星島日報》、《頭條日報》專欄散文，講親子及愛情散文集《兩招脫宅》外，另一本係《「偷食」最幸福》：「其實呢本係生活散文，文中有講keep fit、抗抑鬱等，雖然我冇再食抗抑鬱藥，但心裏面時常唔快樂，當中都會教人點樣可以令自己生活過得快樂啲。至於講到男人偷食，哈！最慘近排自己冇偷食，所以冇經歷寫落去，我又唔夠膽寫比較敏感話題，喺寫作方面我會比較保守，寫咗就一世，怕影響到人，都要幾謹慎。」

森美新書有講keep fit之道，當日同陳豪拍劇鬥大隻。

月前，森美被捲入「安心偷食」風波，好彩最後都洗脫嫌疑。

唯一有話要講，森美坦言男人經常有偷食念頭，但只要設法阻止便成，他笑言：「最好辦法係加大男人成本，咁男人就會好驚，計一計數，偷食抵唔返所享受，咁偷嚟做乜？所以我身邊朋友老婆成日咁講：『偷食一世唔會令你好過！』對男人而言，揀過靚老婆就易忍啲，我夠膽講，我好好彩，老婆夠靚又夠姣，又有學識，相夫教子，仲肯揀我呢個籮底橙！所以我好OK！」

早前，森美公開同靚老婆遊日相，被指係結婚19年第一閃。

森美話一對仔女怕咗牢騷王父親愛講做人道理，唔鍾意睇佢著作喎。

森美又直認預科時曾劈腿，同時間愛上三個女仔，「經驗之談當時真係好辛苦，晚晚傾電話冇得瞓，後來識咗我老婆，都試過同其他女仔約會吓。依家都有狂蜂浪蝶，不過唔會好似細個時咁衝動，會以理智行先，所以做人唔好太天真，以為下一個會比呢個好。」

預科時的森美幾有魅力，夾band、劍擊、風紀隊長等乜都齊，係學校風頭躉。

熱愛做DJ的森美，計劃退休後可以同老婆周遊列國。

森美：「有用嘅嘢想用都冇得用」！

全新清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。《Mayanne小喇叭》每集邀請不同藝人及素人擔任嘉賓，開放討論各樣大膽又破格的香港貼地話題，花生指數爆錶！

Mayanne同GM分別擔任主持及助理主持。

今集請嚟火火（左起）、森美同埋劉翁擔任嘉賓。

年屆50嘅森美笑言最開心係可以同BTS一齊入伍。

火火「抓龍筋」表情包勁吸睛
今晚（15日）第二集主題是「中佬」，請來森美、火火和劉翁擔任嘉賓。森美大哥雖已年屆五十，但身形和樣貌均保養得宜，對此他開玩笑謂：「我最開心就係同BTS一齊入伍！」森美又謂對年齡沒有擔憂：「其實大部分人都係希望得到一句說話，就係『你50喇？唔似喎！』」森美之後大談「性能」問題，更踢爆火火曾試做「抓龍筋」，火火隨即繪形繪聲地描述「抓龍筋」過程，搞笑表情包盡出，非常爆笑！

火火親述「抓龍筋」過程，啲表情包勁爆笑。

之後眾人大談中年危機6大徵兆，其中一項係性能力/性慾下降。

森美激動表示慘遭老婆無視，搞到「有用嘅嘢想用都冇得用」！

之後講到「中年危機6大徵兆」，包括逃避回家、性能力/性慾下降，以及擔心自己沒有魅力等。當講到性能力/性慾下降話題時，森美激動說：「係你有得用，但你又冇得用，呢個就係中年危機喇！」Mayanne聞言追問：「咁你老婆點算？」森美再次激動說：「我恨呀，但我老婆唔理我呀！ 中年危機係你想用，但你老婆唔理你嘛。」至於講到逃避回家的話題時，森美分析指大致分為兩種情況，第一種是嫌老婆煩，第二種是沒有家庭地位，最後他爆笑說：「每一個年代嘅男人，其實都係唔想返屋企！」

之後講到依家男士魅力不再，森美留意到依家好多男人操肌係為咗吸引異性。

再講到出軌問題，森美話成本太高唔敢嘗試。

已婚男士最易出軌年齡是49歲？森美火火齊嘆出軌成本高
最後講到花生指數最高的「出軌」話題，Mayanne表示外國有統計指49歲是已婚男士最易出軌年齡，火火對此認為出軌成本太大，森美大表認同說：「我唔係天生好忠於太太嘅人，我有時都想曳吓，只係成本真係太大。」劉翁則說：「我太遲去認真（對待）一段感情，差唔多30尾先有呢段感情，所以我依家仲係蜜月期，如果我出軌呢，我30歲就應該出軌喇。」之後劉翁大爆第一段婚姻出軌經歷，想知道劉翁當年出軌真相？敬請留意今晚播出的《Mayanne小喇叭》。

劉翁自爆第一段婚姻出軌經歷。