爆Sammi曾盛裝探BB 謝安琪感動：點解你個人咁好？

Kay指Sammi無論台上、台下還是私下傾偈都係咁真摯！

天后鄭秀文（Sammi）越唱越起勁，昨晚（16號）「＃FollowMi 世界巡迴演唱會 香港站」去到第五場演出，蔡一智與囡囡、Twins、周慧敏、倪震、薛家燕、鄧萃雯、余安安、張繼聰、余德丞和蔡思貝等到場支持；而「最索人妻」謝安琪則擔任昨晚的表演嘉賓，兼大爆Sammi盛裝探BB，令她受寵若驚！

Twins

周慧敏、倪震

薛家燕

余德丞、胡鴻鈞、蔡思貝、賴慰玲

今次是Sammi第10次紅館個人演唱會，她特別加入藝術表演，讓觀眾感受不一樣的演唱會，就連表演嘉賓也令人意想不到。當Kay從升降台出場和她合唱《默契》時，Sammi以「最索人妻」介紹出場，觀眾驚喜嘩然。

Kay攬實Sammi纖腰說：「好正呀，雖然成日睇你演唱會，但未試過咁近，可以攬住，好正呀！」Sammi表示大家都好奇她與Kay的關係，其實他們私下是好朋友。Kay對Sammi說：「你真係好好......」Sammi說：「有幾好？讚嘅說話唔怕講喎！」

謝安琪

Kay續說：「我份人好怕醜，唔係好主動嘅人，你第一次同我講祝福說話又為我禱告，嚇死我，我真係受寵若驚。同埋你好真心，台上台下私下傾偈都係咁真摯、咁用心......我想喊！」然後攬實Sammi，再說：「喺我生完BB嘅時候，有一日你突然話嚟探我......」Sammi說：「同埋馮太一齊，馮德倫太太......（雷太，雷頌德太太）馮德倫太太係舒淇，係喎，哈哈哈！」連Sammi自己都不禁大笑起來。

謝安琪、鄭秀文

Kay續說：「我心諗點解你個人咁好？好到晏晝嚟我屋企，仲要著到鬼火咁靚喎！（係呀，我落街倒垃圾都係咁！）你嗰日著到成身紅卜卜......（一定搽紅唇膏，我平時喺屋企都搽紅唇膏。）你突然嚟我屋企又搽晒紅唇，好隆重，我受寵若驚，我全家人都好緊張，所以印象好深刻。」Sammi笑說：「你奶奶好熱情，我哋傾咗好耐，其實我想扯架啦，佢幾乎想請我食埋消夜！」

謝安琪、鄭秀文

Sammi笑指想請年紀比她大的女歌手做嘉賓實在不容易，所以都請來年紀比她小，加上她很喜歡與新人合作，「喺新歌手身上我學到好多嘢，我都鍾意同新樂手、樂隊、Rapper合作，佢哋帶畀我新靈感。」之後，Sammi準備落台並請Kay唱《囍帖街》，但Kay想合唱，Sammi說：「唔得，唱埋我換唔切衫啦！」然後一邊落台一邊與Kay互講「I Love You」，好鬼冤氣！

蔡一智與囡囡

余安安

鄧萃雯

鄭秀文表示：「親愛的歌迷們，不用疑問了。Mi冇秘密生B，生肌肉就有，你睇我手瓜仔起輾。」

51歲的鄭秀文（Sammi）去年因確診新冠病毒而需停工調理身體，原定舉行的《You & Mi鄭秀文世界巡迴演唱會-香港站2023》亦被迫延後至今年7月舉行，Sammi當時對未能如期演出感自責。近月Sammi回歸社交平台，不時分享運動及排練演唱會的照片及影片，日前她更以影后身份出席金像獎擔任頒獎嘉賓，狀態及身形絲毫未見走樣，依然Fit爆，獲網民大讚。不過，她近日竟自爆是「高齡產婦」，震驚一眾粉絲！

鄭秀文最近狀態好好！

依然落力運動keep fit。

並密密為演唱會排練。

日前以影后身份出席金像獎擔任頒獎嘉賓。

負責頒最佳女主角。

事後又開心和金馬影帝吳慷仁合照。

Sammi一向熱衷於跟粉絲在網上交流，日前分享一段為演唱會排練的影片，並自嘲：「Mi就算年輕時，記舞步一向不算快，（其實係慢。因為蠢和笨），真係要用九牛二虎之力去記住d舞步，現在年紀大了，更加慢喔！ 稍有分心就完全記唔到。瞓唔夠就更死。唯有早d開始進行練習。」粉絲隨即暖心留言：「記唔到，跳少d⋯⋯見到你就夠！！」鄭秀文竟然回覆：「真體貼我這位高齡產婦人士！」震驚一眾粉絲，但大家都知道Sammi只是將演唱會當成「BB」，紛紛笑指Sammi幽默。

鄭秀文自稱「高齡產婦人士」，震驚一眾粉絲。

粉絲留言

之後，Sammi都知道自己嚇親大家，便貼出大笑的自拍照，並留言解釋：「大意的，mi， 在其中一個po，手快快兼老花，本來想將自己形容為『高齡婦人』，但誤打成『高齡產婦』。親愛的歌迷們，不用疑問了。Mi冇秘密生B，生肌肉就有，你睇我手瓜仔起輾。#純粹打錯字#係時候換一副新的老花眼鏡。」

Sammi貼出大笑的自拍照，並留言解釋自己是打錯字。

事實上，Sammi與許志安結婚多年，一直以事業為重，難免被催生B，Sammi並非堅拒生小朋友，但她早前接受訪問時坦言害怕照顧小孩，害怕照顧一個生命，害怕把他照顧不好，加上因為許志安堅拒生兒育女，在老公的影響下，她都漸漸改變想法。