*

upload_article_image

祥嫂留15億遺產 49歲鄧翠玉慳食冰鮮牛扒

生活夠晒貼地~

一代名伶新馬師曾(鄧永祥)遺孀祥嫂洪金梅早前病逝,有傳祥嫂遺下15億身家,但其實佢四名仔女早已生活無憂,更有指兆尊一早坐擁逾億身家,唔使做都夠養三位「3C女友」。日前晚上,記者銅鑼灣巧遇翠玉(小艾),見佢在超市揀牛扒,主攻大約$300一pack嘅澳洲冰鮮牛扒,再揀個百幾蚊布袋! 

翠玉雙眼周圍望,好似心事重重咁。

翠玉拎出一張$500蚊紙排隊畀錢走人。

翠玉揀牛扒時曾打過電話,唔通問阿仔食唔食?!

已故祥嫂四名仔女兆尊、兆榮、翠玉(鄧小艾)和碧玉中,大仔兆尊嘅感情生活最多姿多采,翠玉當年亦敢愛敢恨,曾經深愛公屋釣魚郎,有傳佢02年奉子成婚,07年離婚,現母兼父職育有年約16歲兒子Tim。祥嫂舉殯當日,好少曝光嘅兒子Tim就隨舅父兆榮一家四口到場,送別婆婆。

日前,翠玉和胞兄兆尊現身香港殯儀館,為亡母祥嫂打點。

祥嫂出殯日,翠玉兒子Tim(右)隨舅父兆榮一家四口到場,送別婆婆。

日前晚上,連日為亡母奔波,致憔悴又清減不少嘅翠玉獨自現身銅鑼灣一商場的地庫超市。見佢雙眼無神兜咗個圈,之後在凍櫃前停低,scan咗一陣就主攻揀牛扒。隨手拎兩包澳洲冰鮮優質草飼西冷牛扒和肉眼扒揀,大約$250至$320一pack,買咗一包之後又揀吓啲tote bag款式布袋。逗留約15分鐘,翠玉拎出一張$500蚊紙排隊畀錢走人。

激似祥嫂嘅翠玉,當年兩母女感情要好。

翠玉曾激罕大晒母子照,兒子雙眼似足媽咪。