嘆女藝人不易找好演出機會 關寶慧決與李蕙敏合資開戲

所以，寶慧決定自己創造機會給自己！

早前首度封舞台劇后的關寶慧，最近相隔30年再挑戰音樂劇《我們的青春日誌》，寶慧坦言對自己仍無太大信心，特別在唱歌方面，於是不停搵該劇監製兼導演陳恩碩（Tom）惡補，狂執唱功。她又直言，香港女藝人演出機會有限，故打算跟好友李惠敏齊合資，自編自演一套女性電影，一於自製演出機會。

53歲寶慧跟21歲Tom全無代溝外，跟後輩杜小喬和譚永浩一樣合作愉快。

寶慧於四月憑舞台劇《她媽的葬禮》獲《第28屆香港舞台劇獎頒獎禮》頒發「最佳女主角（喜劇／鬧劇）」獎，領獎後她哭成淚人，她坦言這是入行28年首個獎，確是百般滋味在心頭，「自己真係冇諗過會有獎，呢啲真係天時地利人和，可能咁啱啲評委睇正我做得好嗰場。」她直認是個沒自信的演員。

4月寶慧憑舞台劇《她媽的葬禮》獲《第28屆香港舞台劇獎頒獎禮》頒發「最佳女主角（喜劇／鬧劇）」獎，感動狂喊。

難怪今次排練本月23日至28日假理工賽馬會綜藝館公演的《我們的青春日誌》，相對有經驗的寶慧反而更花時間，「我有太耐冇演過音樂劇啦！所以只要Tom有時間我都會練。」但Tom就讚她，「我睇咗《流行經典50年》決定搵佢，佢唱現場無問題嘅。」見寶慧綵排後再留堂找Tom惡補，不斷重覆唱，還每粒音都做紀錄，相當勤力和認真。

劇中寶慧飾演一個嚴厲的校長，經常跟大班學生一齊。

寶慧攞住曲譜跟 Tom不停練習，不時寫低重點。

問到得獎後會否對未來發展更有信心？寶慧反而道出女藝人的無奈，「講真我唔覺得會，其實得獎個舞台劇自己都有份投資，先至有咁嘅機會，香港女藝人要搵好嘅演出機會唔易，我哋呢啲年紀更困難，所以嚟緊我會同李蕙敏一齊合資，我哋一齊寫緊個女性電影劇本，打算自己演埋，一於自己製造演出機會囉！」

寶慧跟李蕙敏一直老友鬼鬼，近年還一齊編寫劇本。

24強名單即將出爐！

歌唱真人騷《香港何濟公止痛退熱散呈獻：中年好聲音2》，逢周日晚9點翡翠台播出，節目由車婉婉擔任主持。12日晚播出的一集是第四部曲《廿六強勁歌金曲淘汰賽！》，評審團除了有肥媽、伍仲衡、張佳添和周國豐外，還有李蕙敏（Amanda）暫替陳慧嫻出任評審。本回合 26強選手輪流獻唱曾於《勁歌金曲》獲獎的歌曲爭入24強，上集13名選手獻唱完畢，今集輪到餘下13名選手進行比賽，出場名單如下：《小玩意》陳燕娜、《給自己的情書》黃劍文、《分手總要在雨天》曾蜜詩、《（你沒有）好結果》安雅希、《好心分手》袁思樂、《捨不得你》陳蒨葶、《可惜我是水瓶座》梁浩賢、《烈燄紅唇》麥素華、《我的天我的歌》朱博文、《千個太陽》陳麗媚、《爭氣》周碧嘉、《情深說話未曾講》林偉璣以及《一生何求》尹新杰。

陳燕娜

曾蜜詩

袁思樂

陳蒨葶

梁浩賢

麥素華

朱博文

陳麗媚

周碧嘉

尹新杰

李榮耀（左）同埋沈宗賢走唔走得出危險區呢？

李蕙敏向安雅希耍冧

今集最大睇頭落在大魔王級安雅希身上，身為實力唱將的她選擇的歌曲是《（你沒有）好結果》，由於原唱Amanda就在眼前，壓力倍增的雅希獻唱時一度緊張得聲都震埋，唱畢後更高呼好緊張！雅希坦言事前不知道Amanda擔任評審：「知道嘅話我就換歌㗎喇。」雅希台上Chit Chat時繼續口震震，可想而知她有多緊張！對於安雅希的演出，張佳添說：「我會形容呢個係大步檻過嘅表演，好戥你擔心！」原唱Amanda則搞笑向雅希耍冧：「我真係唔好意思，我令你緊張咗好多。呢首歌本身個Range係闊嘅，你唱Live如果唱得Below得太低，係好難出到個字，尤其是係廣東歌，不過我相信你唔咁緊張，係會表現得好好多，加油！」

安雅希對住本尊唱《（你沒有）好結果》，緊張到把聲都震埋。

李蕙敏笑住同雅希耍冧。

張佳添話今次係大步檻過嘅表演。

李蕙敏叫雅希加油。

伍仲衡聽黃劍文演出搖晒頭

另一實力唱將黃劍文頭幾輪比賽表現相對平穩，今集他挑戰女歌男唱天后王菲的《給自己的情書》，周國豐說：「你喺Chorus方面嘅處理，我係戥你辛苦，好似同音樂玩緊追逐遊戲咁。」張佳添則說：「三拍歌其實好少咁用力去唱，結果你（演出）同編曲係兩件事，你係一個好有音樂感、音色好靚好入咪、好識唱歌嘅一個人，以上全部都係讚，但係唯一最大問題你係用錯演繹方法。」「奄尖魔人」伍仲衡聽完劍文的演出後更搖晒頭！

黃劍文挑戰女歌男唱，獻唱王菲嘅《給自己的情書》。

張佳添直指佢用錯方法演繹。

周國豐話戥黃劍文辛苦。

伍仲衡仲聽到搖晒頭。

今集有感人的故事，獻唱《情深說話未曾講》的林偉璣坦言這首歌是獻唱給家人聽，他說：「唱『仍然在遠方，追我夢與想』時，第一時間已經係諗起爸爸媽媽。」偉璣透露父母一直很支持他追夢，他哽咽說：「佢哋好支持我，不論我年紀幾大都好，喺佢哋眼中我仍然係好細嘅小朋友，呢首歌係真心送畀佢哋，想同佢哋講，放心啦，我會繼續努力追尋我嘅夢想，我會唱更加多嘅好歌畀你哋聽，I Love You。」今集將會決定最終哪兩人會被淘汰，還會定出本回合MVP誰屬，想知道24強名單？密切留意周日晚播出的《中年好聲音2》。

林偉璣獻唱《情深說話未曾講》。

林偉璣講起屋企人忍唔住喊。