*

upload_article_image

前夫身上學到嘢無怨恨 陳煒護新戀情拒多講

做唔夫妻都可以做朋友~

由陳煒及黃智賢主演的TVB劇集《好日子》去到結局篇,Dry足7年,啱啱先得到愛情滋潤的煒哥甜到漏表示,「喺我嘅世界日日都係好日子,其實我IQ好低,但EQ好高。好又一日,唔好又一日,點解要令自己唔開心呢?」提到前夫,煒哥坦言無仇恨,「我喺前夫身上學到嘢,有得着,有助往後日子幫到自己做得更加好。」

煒哥喺《好日子》中得知被黃智賢欺騙了30年,情緒大爆發,搶走女警枝槍想殺死他,好考演技。

黃智賢與陳煒曾合作拍攝亞視劇集,多年後再拍《好日子》。

在劇集《好日子》中,陳煒飾演曾被侵犯的小學校長「卞慧晶」,多年來累積好多怨氣唔相信任何人,所以長大後變得自私,跟她本身性格完全唔同,屬演技大考驗:「角色都幾沉重,好難演,我係一個冇乜記性嘅人,從來唔會記仇,由細到大唔會同人鬧交,唔會憎一個人,好少會嬲人。喺我眼中世界上冇仇恨,做人要睇化啲,豁達啲,就會開心啲。如果人哋對你唔友善,最多咪遠離佢,冇必要正面衝突。」

黃智賢唔只係煒哥好柏檔,更是其新戀情的紅娘。

覓得好姻緣,煒哥想盡快去台灣龍山寺還神。

煒哥直認雖然當年被前夫狠飛,但大家再見亦是朋友,對他冇恨意:「我覺得唔可以將責任歸究喺一個人身上,兩個人相處係一門學問,相處唔到一定係兩個人都有問題,呢幾年我都喺佢身上學到好多嘢,有得著,往後日子識得點同人相處好啲。」問到在前段感情經歷學到的,是否能用於醫生新男友陳國強身上?她就不願多講。之前煒哥去台灣拍《如果這樣生活》時喺龍山寺求得姻緣好籤,她坦言想快快去還神:「男友工作好忙㗎,應該冇假期陪我去,(咁點維繫戀情呀?) 唔講咁多嘞,畀啲空間,醫生唔方便咁高調。」

當年同前夫離婚,煒哥冇任何怨恨。

陳煒欣賞新男友陳國強夠承擔。

陳煒有愛情滋潤,笑得好甜。