*

upload_article_image

拍《十二傳說》認真又嚴肅 黃建東演施刑者好擔心

東東在劇中要勒死一個女學生及淹死另外一個女學生......

「惡搞王」黃建東(東東)一向以自家製二次創作和搞笑見稱,但今次在TVB劇《十二傳說》的「大學傳說」中飾演一個有很多感情瓜葛的大學教授,正經演出叫人眼前一亮。

黃建東在《十二傳說》中飾演一個有很多感情瓜葛的大學教授。

東東表示:「可能因為今次帶住眼鏡着得斯文見觀眾,加上個角色有很多內心嘅掙扎,收到很多留言話從來冇見過咁樣嘅黃建東,原來我係可以咁認真同嚴肅,唔係淨係搞gag。多謝監製俾個機會帶出我嘅可能性,同埋要多謝啲好對手好似飾演我前女友嘅林夏薇同埋老婆趙希洛等。」

林夏薇飾演黃建東的前女友。

趙希洛飾演黃建東的老婆。

今次東東演出有很多挑戰,包括要被老婆趙希洛用刀刺死倒臥在血泊中:「拍攝嗰幾日用咗好多血漿,成身都血淋淋。因為我戴隱形眼鏡,返到屋企除眼鏡時發覺原來啲血漿洗唔甩,成對隱形眼鏡都變成粉紅色,最後要揼咗買過對,好大犧牲。」

黃建東會被老婆趙希洛用刀刺死。

黃建東發覺原來血漿洗唔甩。

不過,講到最心驚膽跳的一幕,就是要用繩勒死一個女學生,以及強行淹死另外一個女學生,東東說:「做施刑者真係緊張過做受害者好多,因為好擔心會整親人。好似今次要㩒個女仔個頭落水,之前都溝通咗好耐,如果佢個頭一退後代表佢要上水透氣我要即刻放手,所以拍嘅時候雖然個表情要好凶狠,其實內心係心驚膽跳同埋好大壓力。」

做施刑者的黃建東直言好擔心會整親人。

黃建東表示表情雖然好凶狠,但內心其實心驚膽跳。