順便睇醫生啦！
醫護人員不可向第三者披露病人的個人資料，除非得到病人同意，才可以披露病人資料。診所助護「珍寶豬」日前在Facebook專頁「診所低能奇觀」發文，指有男子到診所要求她提供前女友的地址，更稱自己只想看看對方過得好不好。惟她以私隱理由拒絕對方要求，男子要求前女友地址不果後，竟然留下一句「啲女人都係絕情絕義」就離開！
男子不斷要求診所護士告知自己前女友的地址！網圖
Facebook專頁「診所低能奇觀」版主診所助護「珍寶豬」指，當天一名男子進門後就問：「你會唔會認得我呀？」，惟她並不認得對方，遂著對方拿出身分證登記看醫生。惟對方向自己提起之前經常陪同女朋友到診所求醫，於是前來詢問前女友的地址是否更改地址，「唔係呀，我想嚟問吓...我女朋友個地址係咪轉咗。」
男子繼續解釋，因為兩人已經分手，「已經搵佢唔到」，又形容對方好像消失了。助護以病人私隱理由拒絕對方要求，但對方仍然不肯放棄，又稱只想知道前女友過得好嗎，「你淨係幫我睇吓佢而家住邊度得㗎啦，我想睇吓佢過得好唔好嘅啫。」
助護堅持拒絕對方要求，男子就重複表示自己只想知道前女友過得好不好，又突然揚言「我唔係絕情絕義嘅人」。助護就建議對方可以查看女方的Facebook，查出地址，惟對方表示帳號被前女友封鎖。助護見狀勸對方放棄，因封鎖就表明對方不想再有任何聯絡，惟男子仍然堅持要求助護將前女友的地址給自己，又指只需前女友的大廈或樓宇名稱即可。他更大打同情牌，「你都係女人，你都知拍拖分開嘅嘢可能係扭吓計啫。」
最後，助護依然堅持專業操守，拒絕告訴對方，男子只好離開，離開前竟留下一句「啲女人都係絕情絕義」！
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
