*

upload_article_image

D級生力軍寫真戰惡鬥「元老」羅霖溫碧霞

踏入書展又係寫真集出爐啦!

三圍32C、23、35的空姐Cherry,雖然冇澎湃上圍,但靠可愛搭夠。

今年寫真女郎除了有「元老級」的溫碧霞和羅霖外,亦有一班生力軍加入,其中本地薑Cherry(楊卓欣)和Angus(張若錡),分別推出的《彼女育成計劃》和《錡遇》亦引起唔少粉絲注意,話晒兩人都有十多年O靚模經驗,儲落大堆鐵粉。

三圍32C、23、35的空姐Cherry,雖然冇澎湃上圍,但靠可愛搭夠。

正職任空姐的Cherry,今次以「彼女」(日文:女朋友)為寫真集主題,仲講明鍾意粉絲細心又溫柔,啱晒佢擇偶條件,因4年前俾躁底男友打所傷,一直單身至今。至於拍過廣告的Angus,今次獲台灣出版社花70萬飛到台灣拍攝,認為是加入娛圈的最佳踏腳石,仲話想以周秀娜為奮鬥目標。

年過50的溫碧霞和羅霖,今年都加上寫真大戰。

空姐Cherry早在10幾歲開始做模特兒,出寫真集一直是夢想,「影咗咁多年相,梗係好想有本自己嘅寫真集啦!今次終於還咗心願啦!」講到以「彼女」做主題,Cherry話本身做模特兒走開日系路線,「日文『彼女』係女朋友嘅意思,好多粉絲都睇住我成長,就好似見到自己女朋友成長一樣,希望答謝一班一直支持我嘅粉絲。」

溫碧霞。

Cherry對粉絲咁好,只因大部份粉絲都好愛錫她,知道她為食仲會買定零食等她收工,不過佢都遇過變態粉絲,「佢哋會傳啲奇怪相,或者問埋啲奇怪嘢,嗰啲我通常唔會覆。」單身4年的Cherry坦言好想快啲搵個好男友,就算係粉絲一樣無問題,「最緊要佢愛錫我,同埋對我屋企人好,唔使靚仔或者大隻,反而好怕好多肌肉嘅男仔。」

原來她情路好坎坷,初戀同個細自己幾年男仔拍拖,似湊仔溝通唔到;之後新對象雖然拍足4年,但她亦忍足4年,「佢有時會出手打我,但係我太過仁慈不斷原諒佢,忍咗4年都係分手,所以我單身咗4年療傷,o依家搵對象會審慎啲,錫自己最緊要。」做了多年空姐的她,仲話公司同同事好支持她,「同事仲話嚟書展撐我,我叫佢哋買書支持就得。」

擁有32D上圍,配上22吋腰和33吋下圍的Angus,勝在身材夠平均。

14歲開始做硬照模特兒的Angus,年前憑廣告吸引到不少台灣粉絲注意,ig有5萬支持者的她,仲獲台灣出版社賞識推出首本寫真集,以同男朋友去台灣旅行做主題。Angus說:「好開心23歲出到自己嘅寫真集,去咗好多台灣靚景拍攝,由於我台灣都有唔少粉絲,所以寫真集台灣同香港都會有得賣,靚相太多仲會分上下集。」Angus坦承有入娛樂圈打算,出寫真集絕對是好好的踏腳石,「我當然希望好似周秀娜咁,佢絕對係我奮鬥目標,我o依家簽咗經理人,嚟緊都會開始其他方面發展,之前因為出寫真集都上過台灣嘅綜藝節目,嚟緊都會再去台灣宣傳,香港方面下星期會幫ViuTV拍劇,之後當然想有更多唔同演出機會啦!」 

Angus最想好似周秀娜一樣,有多啲演戲機會。