祥仔表示有時觀眾比較熱情，衝上台是在所難免。
胡楓（修哥）、陳敏之、鄭俊弘和譚嘉儀的《流行經典50年》全新主持組合，昨晚（20日）錄影第一集。黎耀祥（祥仔）首度亮相當晚的節目，他稱是修哥點名要他來「撐」，否則自己也不敢獻醜，因在電視上唱歌，等同在幾百萬人面前唱，還會被錄下來，故有少少壓力，加上大會安排二胡和古箏伴奏，為此也不敢偷懶，縱使是唱《紅蝴蝶》，這首唱過幾百次、登台專用的「搵錢歌」，也連續兩天採排了4、5次。
黎耀祥、胡楓、陳煒
祥仔表示也有留意到華哥的新聞，很擔心其狀況，稱讚華哥面對突發情況反應很快。祥仔說：「有時觀眾比較熱情，拉扯推撞係會有；亦試過有人衝上台、但為的是想握手和合照，沒有傷害成分；但今次擺明係刻意攻擊、仲出動到武器，真係出道至今咁多年來都無聽過，背後應該有啲原因。」
祥仔指觀眾衝上台難避免。
祥仔又透露赴深圳出席好友的書展活動，並謂：「娛樂圈這行係『食江湖飯』，無得擔心，因宣傳和搵食活動都要做，夜場或三山五巖之地都要去，唯有希望保安做好啲，藝人上台亦小心啲，警覺性高啲，有人埋身就留意對方的手部動作，係咪會插入袋攞武器，睇到有異動就立即避開，避得兩吋得兩吋，因為請保鑣都無用，互動時唔可以唔畀人埋身，藝人好難防範，好彩我拍過武俠片，食過夜粥有兩度；好彩華哥都係，所以一縮一擋才中咗一吓，希望他盡快康復。」
任達華昨日在中山出席活動時遇襲。（資料圖片）
任達華當晚已在當地完成手術。（資料圖片）
