張致恒處處留情舊愛April嘆：「被偷走的那五年」

娛圈事

張致恒處處留情舊愛April嘆：「被偷走的那五年」

2019年07月26日 16:45 最後更新：16:58

緋聞不斷...

張致恒（Steven）昨日宣佈準備同未婚妻雯雯結婚及二人已育有一子消息後，隨即惹來模特兒兼舞台劇演員女友梁皓恩（April）在社公平台大公審Steven，留言：「May i know what’s going on?!!!! 點解忽然世界末日?!!!!!!!!! #我怕過唔到今晚 #被偷走的那五年」，很多網民都說不認識April，但都留言勸她要堅強、不要做傻事等；之後還有另一女子Moon再爆Steven一腳踏5船。

3年前Steven被爆跟當時女友莊端兒分手，邵子風被拍到曾到訪二人的愛巢，但Steven當時已聲稱搬離該寓所。邵子風昨晚就事件在fb發文，留言：「其實我對渣男不反感，我只對人渣反感！」然後他指出：「莊端兒2016年同張致恆分手。April：『被偷走的五年。』2019-5=2014。2014年，娛樂版、娛樂雜誌、電視...甚至係朋友間出嚟玩、食飯，全世界都知道，莊端兒就係張致恒女朋友。即係話，April呢一位虔誠基督徒，當年明知張生有女朋友，佢都甘願做人小三！」

邵子風除了勸對方「為呢種人傷害自己，十萬個唔值得！」，還謂：「你當自己做人小三嘅報應啦！（講緊響ig得知自己現任男友同第二個女人結婚生仔）咪當晒自己係受害者，你做人小三，一樣係傷害緊人，唔好當無咗呢件事先得㗎！如果我係莊端兒，如果我今日先知你呢個小三當年嘅存在，你覺得我會點？」

莊端兒隨後亦在邵子風的發文下留言：「如果是事實的話老實答：我好難受！那時候還有台妹！令我頗困擾還記得2016年也是我的世界末日⋯⋯ 愛情工作一下子都離我而去也不敢打騷家人朋友心如刀割連膽都割了...... 那個時候我好想自己不如死在手術床上也曾經不孝到問媽媽為何你滿身病痛折磨不選擇死我那時候表示我好想死啊媽媽淡淡的告訴我好不容易能夠轉生為人只要一息尚存都要活下去自殺這行為實在太對不起家人及愛你的朋友經歷過後學懂放下愛情放過他人等於放過自己世界沒有過不去的事情只有自己跟自己過不去時間從沒有為任何人任何事停留過一分一秒請大家愛自己多一點請不要為任何事情選擇輕生」。

其實昨日Steven宣佈婚訊後，莊端兒也有在發文下大方留言「恭喜」，及說「大個仔，要好好錫老婆啦，祝佢哋幸福快樂。」

往下看更多文章

又公開指責張致恒？雯雯自爆屋企被cut電：請問你想我點？！

2024年04月16日 13:30 最後更新：16:33

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友，無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。