娛圈事
重口味！
昨晚《愛.回家》再有尖酸刻薄的崔Auntie（盧宛茵 飾）一家粉墨登場，劇情大概是講崔Auntie為剛失婚長女徵婚，希望找個頭髮濃密的女婿，更睇上了熊家兩姊妹的男友潮偉（袁文傑飾）和龔燁（張景淳飾），笑料百出。
李嘉反轉飾演的「少欣」登場。影片截圖
當大家認爲會有新美女演員登場，結果「少欣」終於出場，原來是扮演崔Auntie兒子也是「少欣」的雙胞胎弟弟李嘉反串飾演。最後更留下一條新感情伏綫，與保安昌仔（陳勉良飾）一見鍾情。
「少欣」與保安昌仔。影片截圖
不少網民紛紛留言，「希望李嘉可以多啲出場扮細妹」,「今集好好笑」，「笑死人無命賠咩」，「李嘉扮女人，仲要同頭髮濃密既昌仔結婚」。紛紛期待下一集李嘉的出場。
「少欣」與保安昌仔一見鍾情。影片截圖
網上圖片
由王晶擔任製作人、鍾少雄監製的《一舞傾城》，逢周一至五晚九點半翡翠台播映。6月7日晚一集，剛出獄的青龍（唐文龍飾）被安排睇機舖，志飛（楊明飾）睇唔過眼誓要查出屠伯（鄭恕峰飾）和麻鷹（李嘉飾）的販毒證據。幾經辛苦，志飛、青龍終於找到麻鷹的毒品倉，並一把火燒光所有毒品，麻鷹發難叫手下圍攻他們，坐了十多年監的青龍大晒真功夫一個打幾個之餘，更單挑打贏麻鷹。青龍和志飛捉了麻鷹回洪泰總部，屠伯為求自保對麻鷹執行家法，麻鷹在生死關頭爆出自己是屠伯親生仔，獲心軟的叔父及青龍「放生」…
唐文龍身材Keep得勁Fit，大晒結實麒麟臂。
一個打幾個，大晒真功夫。
冇得攝Pad硬橋硬馬對打
現年53歲的唐文龍身材Keep得勁Fit，以黑色緊身背心上陣的他大晒結實麒麟臂，與「功夫狂人」李嘉近一分鐘的單挑戲亦拳拳到肉，演出吸睛。講到相關動作場口，文龍受訪時大嗌好玩：「阿嘉好大隻又強勁，雖然佢係練螳螂拳嘅，但其實好多功夫都識，佢嘅前臂好強勁同埋啲骨都好硬，咁好彩我自己都有練詠春，所以同佢硬碰我都頂得住。」文龍透露兩人因服裝關係不能攝Pad，所以只能硬橋硬馬對打，他說：「依家唔容易遇到真係練過功夫嘅演員，所以今次切磋到真係好開心，雖然拍嘅時候又熱又焗好辛苦，但都好難忘。」
文龍同李嘉設計咗一啲動作，加入南北拳腳功夫，令到呢場單挑戲更有功夫味道。
決鬥前畀禮，係想保留番舊時嘅情懷。
對打場口融入南北派功夫
文龍續指和李嘉自度了一些動作，為對打戲增添功夫味道，文龍說：「因為唔想好似打爛仔交咁，我哋設計到一派就比較北方嘅打法，另一派就比較南方功夫嘅動作，希望大家睇得出分別。」提到兩人決戰前有「畀禮」，文龍解釋謂：「有一樣嘢武指泰哥（陳中泰）想我哋做到，就係以前80、90年代啲人打交，尤其是高手與高手之間，決鬥前都會『畀禮』，可能有人話會唔會好老套，但我哋想做到嗰個時代嘅情懷。」
麻鷹驚爆係屠伯嘅親生仔。
青龍一時心軟放過佢。
6月8日晚播出一集，屠伯派人追殺青龍、志飛等人，沙律（陳法蓉飾）家被一堆惡煞圍堵，危急關頭，Monica（蔡潔飾）奮不顧身為志飛擋刀，Michelle（姚子羚飾）情急下開槍解圍，臥底身份呼之欲出。
志飛一行人被圍攻。
Monica情急之下為愛郎擋刀。
Michelle臥底身份曝光？
