娛圈事
同家燕媽媽合作幾有新鮮感！
欣宜話如果同家燕媽媽合作會好開心。
鄭欣宜出席網上直播活動，首次彈奏ukelele，又獻唱多首歌曲，包括新歌《救命歌》。她指這是2019年唯一新歌，因之前拍了的電影和劇集即將推出，故之後會集中宣傳，說：「在這個時候推出新歌，覺得不是好適合落力去宣傳，所好好珍惜有這個機會唱live給大家聽。其實我都有想過在細場搞騷，可拉近和觀眾的距離，但暫時未有開騷計劃，想多儲幾首歌先。」
欣宜又指有構思過和大家想像不到的藝人合作開騷，不一定是同年代的歌手。她笑說：「真的成事才公佈，如果可以和家燕媽媽（薛家燕）合作會好開心，之前做過她演唱會嘉賓，她還送了把『家燕遮』給我。」
鄭欣宜 (資料圖片)
薛家燕 (資料圖片)
57歲仲係21吋腰。
葉子楣(Amy) 今日(20日)接受新城《開心大派對》主持薛家燕、思敏及范振鋒訪問，家燕姐問到Amy當年是否墮入愛河受到男友反對而毅然引退？Amy坦言：「男人係咁自私，而且當年最高峰連拍13部戲，都想俾自己休息一下，試過一日趕幾組戲，冇得瞓覺。」阿范即笑言好羡慕拍戲拍到冇得瞓。
葉子楣（Amy）昨日(20日)接受新城《開心大派對》主持薛家燕、思敏及范振鋒訪問。
葉子楣指當年最高峰連拍13部戲，都想俾自己休息一下，試過一日趕幾組戲，冇得瞓覺！
當年墮入愛河而毅然引退！
家燕姐則讚Amy天生尤物，依然保持21吋腰，並問秘訣？Amy即大方公開保持身材秘方：「唔好食煎炸及鹹嘢，如果戒埋甜品仲瘦，甜品對皮膚唔好，不過我好鍾意食甜，會食少少，同埋一定要運動，食物7分，運動３分。」
葉子楣大方公開保持身材秘方。
話唔好食煎炸及鹹嘢，仲要戒埋甜品！
家燕姐好羨慕葉子楣身材。
Amy並謂當年退出好享受不用化妝、影相，又可以慢活，但復出後再重見大家，又覺得好開心，對於她復出後網民評語，她表示無論如何都會有批評或讚賞，但她不會理會，並有一套應付惡意批評的方法，就是要消化惡意批評。不過阿范就安撫她大部份留言都是支持Amy。
家燕姐再談到Amy當年曾做歌手出唱片，Amy即謂當年不單止在香港出唱片，更到台灣發展推出唱片，更在台灣演出過百場音樂會，她有點歎謂：「但認識醫生男友之後，佢唔俾我，之後推咗好多。」家燕姐問她是否愛情至上的人？Amy即說：「做人唔好向後望，應向前望，會更加好，單身咗咁多年，已經習慣咗，桃花就多，真正姻緣好難搵到，條件最緊要眼緣及鍚自己。」
葉子楣指做人要向前望。
家燕姐再談到Amy當年性感女星形象相當成功，堅守不露點，Amy即說：「當年走性感路線完全係順其自然，講明不應酬、不食飯，就算去台灣發展，簽合約，也寫明性感不露點，不食應酬飯。」
葉子楣當年堅持不露點！
