*

《使徒2》緬甸拍動作戲唔辛苦 三大影帝齊放笑彈

家輝話為追古仔膚色而瘋狂曬黑,但古仔就表示怕打燈辛苦而狂敷mark。

由三大影帝古天樂、吳鎮宇及張家輝主演電影《使徒行者2諜影行動》舉行首映禮,三位主角聯同一眾演員馬德鐘、王君馨、袁偉豪、張寶兒,以及英皇集團主席楊受成與太太陸小曼現身支持。

古天樂、吳鎮宇及張家輝主等出席《使徒行者2諜影行動》首映禮。

古天樂、吳鎮宇及張家輝主等出席《使徒行者2諜影行動》首映禮。

對於在緬甸取景拍攝的動作戲,家輝和古仔均表示不辛苦,古仔大讚動作導演錢嘉樂事前安排得好,但拍攝最後一場爆炸戲時右手受傷,「隻手㩒落咗去玻璃碎度,係咁流血,因為驚傷到神經線,就縫了三針。」在旁的吳鎮宇搞笑謂:「三針?唔好講啦!我拍鋸扒戲傷手指尾都縫兩針,我唔放心響元朗,所以要去瑪嘉烈醫院睇,仲要坐直昇機。」

三大影帝大放笑彈。

家輝則笑謂自己只有跳樓梯戲,曾揚言拍該片曬黑不少的的他,笑言為了跟古仔膚色相近,所以在西班牙取景拍攝期間不停曬太陽,但始終膚色低過古仔兩度。古仔聞言即說:「我怕打燈人員打得辛苦,我唔曬燈就返佢,不停狂敷面膜。」

吳鎮宇、古天樂、張家輝

提到謝安琪開個唱,不少觀眾揚言只會買古仔做嘉賓的場次門票,他說:「我唔知,有特別野做。」身旁的經理人表示未知,仍洽談中。談到田蕊妮開個唱也想邀請他任嘉賓,古仔表示亦真的不知道,吳鎮宇即再搭嘴笑指自己有個音樂劇,也會叫古仔演一、兩場。問到古仔演繹什麼角色?吳鎮宇說:「唔知架!睇下是日餐單,所以謝安琪、田蕊妮唔好問住,音樂上都有明爭暗鬥。」

網上圖片