「燈死」楊慧敏姚羽嘉 馮盈盈：証明係公平

「燈神」！

馮盈盈前晚（12日）為無綫節目《娛樂大家》進行錄影，應屆港姐楊慧敏（Mina）被爆為馮盈盈大學同系師姐，因此而略受關注，可惜楊慧敏最終被淘汰。談到Mina已成落選港姐，盈盈說：「入到圍嘅佳麗要恭喜佢哋，不過嚟緊佢哋都要接受好多難關同挑戰，而落選嘅亦都唔代表無得發展。」

提到被盈盈睇好的姚羽嘉同樣被淘汰，似乎跟她有些少關係都不太吉利。她笑說：「咁就証明係公平，唔係有人提就大機會。咁即係話我係明燈啦，咁我唔介意大家問我股市，哈哈！」

馮盈盈成功轉型。

前港姐馮盈盈曾因主持節目《後生仔傾下計》因言論大膽出位而被封「性博士」，近年重返校園攻讀碩士的她，畢業後，連IG都轉埋方向，近日頻頻出正能量片，轉做人生導師。

以前的馮盈盈以po靚相為主

近年重返校園

有網民大讚盈盈愈嚟愈有內涵，但亦有網民睇唔慣，指「成個IG好似scam（騙案）」，不過馮盈盈回覆傳媒時指，有不少同學仔希望她能拍片分享學習心得和時間管理技巧，而且她發現近年社會上有不少負面新聞，希望可以製作一些內容去散播正能量，為大家打氣。

網民大讚盈盈有知性美

見盈盈IG內容，有時間管理、讀書技巧、 如何創造頂級思維等影片分享。馮盈盈在片中分享後，亦吸引不少網民留言分享自己的方法發意見，創造了IG知識型空間。盈盈又說﹕「未來我會繼續進修增值自己，並與大家多作分享。」

近日IG狂出正能量短片

近日IG狂出正能量短片