*

Twins與關智斌做嘉賓 爆容祖兒多人追

台上玩得好開心

容祖兒(Joey)昨晚在紅館作第九場演出,請來了好姊妹Twins及關智斌(Kenny)擔任嘉賓,Twins大爆Joey多人追,只要有心隨時有好歸宿,而Kenny更即場宣佈加開一場。

資料圖片

Joey以「重量級女子組合」介紹Twins,笑說:「我們一齊長大,經歷的不是你們能夠想像的多,我曾經在她們演唱會上飲大了,上次演唱會好好玩,真係要好信得過、好有親切感、好有歸屬感,才夠膽在台上面飲!」

資料圖片

蔡卓妍(阿Sa)爆料,笑說:「我想話雖然容祖兒冇乜緋聞,但不要以為她冇人追,真係好多人追佢架,今日已經有幾個在場。」鍾欣潼(阿嬌)即反問「你係咪想講日本個個?」,令Joey不禁嚇一嚇,並說:「掩住你們個嘴,冇人想聽我緋聞!」

容祖兒演唱會第九場請來了Twins及關智斌擔任嘉賓。

之後阿Sa又介紹她其中一位情人登場:「其中有一個好靚仔,今晚死要同你唱歌,佢好多腹肌!」隨即Kenny登場唱出《死性不改》。阿Sa笑指Kenny要準備演唱會,要加緊綵排,好姊妹阿嬌亦附和,指Kenny的演唱會賣光所有票,準備加場!Kenny笑言想自己親自宣佈,然後便在舞台中間舉起勝利手勢說:「大家好!關智斌Kenny is BORN演唱會依家正式宣佈加場!」三位女士在旁都好興奮,更齊齊宣佈已約定在Kenny的舞台上繼續盡興:「我哋都喺到,有你一定有我哋三個!」

資料圖片

另外,身為Joey歌迷的王灝兒(JW),亦在社交網站貼出舊照撐Joey,相中人是18年前的JW,與同學仔齊齊欣賞偶像的演唱會,她留言說:「呢個係2001年容祖兒嘅隆重登場演唱會,我當時11歲。時間真係過得好快,就咁就18年啦。」而Joey本人亦以驚訝表情回覆JW。

王灝兒IG