Skip to Content Facebook Feature Image

激罕15卡粉紅巨鑽將拍賣 估值5億料創新高

Plastic

激罕15卡粉紅巨鑽將拍賣 估值5億料創新高
Plastic

Plastic

激罕15卡粉紅巨鑽將拍賣 估值5億料創新高

2019年08月19日 14:00 最後更新:14:32

光彩耀眼,價值非凡~

俄羅斯阿爾羅薩公司計劃於11月拍賣其開採的粉紅鑽「玫瑰花魂」,目前估值6000萬至6500萬美元(4.6927億至5億港元),可能將躋身全球最昂貴鑽石行列。

網上圖片

網上圖片

阿爾羅薩公司於2017年在遠東地區採到一塊27.85卡的粉紅原石,之後將其打磨成14.83卡的粉紅鑽,並以芭蕾舞劇《俄羅斯四季》的一幕為其命名。阿爾羅薩公司的發言人說,這顆被命名為「玫瑰花魂」的橢圓形鑽石,具有極佳的透明度、極好的拋光性和良好的對稱性。

設計圖片

設計圖片

彩鑽研究基金會董事會主席伊登拉赫米諾夫指出,彩鑽是最稀有的鑽石,而粉鑽或紅鑽是其中最為昂貴的。據他估計,「玫瑰花魂」價值高達6500萬美元。

網上圖片

網上圖片

網上圖片

網上圖片

往下看更多文章

焚焚~ 真人真事分享:勿做無知少女

2016年09月05日 00:34 最後更新:10:51

話說焚焚某年生日前,前男友問我想收咩禮物,我話想收石頭。前男友問:「咁你想要鑽石定鋯石?」對於從未收過石頭嘅焚焚頭上一堆問號,就問:「有咩分別架?」前男友以一副堅定嘅目光望住我同我解釋:「拿鑽石就鑽石啦,貴嘅;而鋯石呢,都係鑽石嘅一種,不過就平啲!」

焚焚聽落覺得有少許唔對路,所以最後揀咗鑽石。可能你會話:冇嘢呀焚焚!齋聽個名都知係兩樣嘢,條友擺明想昆你啦!你唔係咁都信呀?拿!由於當時拍拖嗰陣前男友同自己嘅年紀都有一段距離,而嗰陣嘅我係屬於懵盛盛,入世未深嗰類,佢講乜,我就信乜,所以我當時係完全冇質疑過前男友講嘢嘅真偽。

嗰陣互聯網未去到咁成熟(未有smart phone啫,唔係56k年代!!),網上面仲未有好多關於鑽石嘅資料。對於啱啱出尼做嘢但又未會自己買首飾戴嗰陣嘅焚焚,對寶石嘅知識真係一無所知。你唔會敢入去金鋪運吉問鑽石同鋯石嘅分別家嘛!到當我讀咗珠寶課程同入咗行之後回想番起呢件事,喺度諗如果嗰陣時有人教倒我就好嚕!  

如果當時揀咗鋯石,焚焚周圍炫富同人講話男朋友買咗粒鑽石比我,而又有人知道我呢粒其實係鋯石的話,就會比人話我戴假嘢充大頭鬼,到時真係瘀到爆。你話如果我知道呢粒係鋯石就話啫,但送粒鋯石比我當鑽石,焚焚覺得好老土!點解咁肉酸嘅事都要話比人聽呢?就係唔想絲打好似我咁比人呃!

最近發現咗網上面有間賣莫桑石嘅網店,佢個post係有條片揾支鑽石筆隊粒石落去,支鑽石筆有反應,跟住喺個post度括住話可過鑽石筆,好似有意無意話緊粒莫桑石等於鑽石,或者係鑽石啲fd子,宣傳手法有點不正當同有啲誤導。你知道呢一粒係莫桑石,買係冇問題,但比人誤導莫桑石係鑽石,就有問題。

可能你會話!喂焚焚!你自己肉眼都好難分得出啦!仿鑽平咁多,人地鬼知咩?拿!焚焚嘅概念係,你買咩,就要同人講咩,唔係叫你大大聲同人講呢粒唔係鑽石,之不過你買緊個a貨箍肚臍袋嗰陣,你唔好同人講你係用真嘢個價錢買番尼囉!莫桑鑽同泛美鑽並不是天然鑽石!波蘿油裡面亦都唔等於有波蘿!只係起呢啲名嗰陣商品說明條例未實行咋!鑽石賣到咁貴,當然有佢嘅原因啦!

點樣知道呢粒係鑽石!簡單尼講。根據香港法例,售賣叫「鑽石」嘅礦石,必須乎合某幾項嘅條件,而呢啲條件,係冇可能用合成方法做倒晒,換句說話講,如果佢唔係賣緊鑽石的話,就必須註明係合成石又或者係邊類嘅礦石!如果你係收禮物嗰個,就睇張證書印有鑽石(如果係合成的話,會有synthetic嘅字樣,見圖1網絡圖片),而個證書冧把同粒石腰印住個冧把係一樣的話,粒石就係鑽石,咁點樣先睇倒個冧把呢?就入求其一間金行話想睇個證書冧把啦!

今次就講住咁多先啦!焚焚之後會慢慢解釋咩係仿鑽,同埋會講下其他寶石,等絲打們豐富呢方面o既知識!我地做絲打嘅除咗扮靚要叻之外,一啲寶石嘅基本知識一定要有!!如果喜歡焚焚寫啲嘅嘢,就唔好吝嗇你地嘅like,你地嘅支持就係我嘅動力。想知多啲有關珠寶嘅嘢,可以去《焚焚的珠寶鏈尾生涯》度睇下!如有咩想問或想我寫的話,留言比我!盡量滿足大家。好吧!我地下星期一見!

 
PS. 文章最底有個評分架!拍爛檔幫我like 一like丫~~!!

*帶定頭盔:本人意見並非所有業內人士之意見,如有得罪,敬請原諒。 

你 或 有 興 趣 的 文 章