*

upload_article_image

傳媒勁過示威者 客觀公正無影踪

近日多群市民,分別到記者協會、商台、港台抗議,譴責記協沒有維護記者,也指責商台及港台報道偏頗,要求公平報導。

圖: 數十名市民到港台抗議。

圖: 數十名市民到港台抗議。

有普通市民問小鯊,現在睇直播政府官員的記者會,記者發問勢兇夾狼都唔緊要,好多時簡直係勁過示威者,只有佢哋講,唔俾政府官員講,甚至大聲喝罵官員。記者聲線太大,官員想答好多時都答唔到,觀眾想聽官員解畫亦都聽唔清。

小市民有問起,聽電台的烽煙節目,主持人全部有晒立場,一開咪就狂轟。打電話入來的聽眾,意見一唔啱聽,主持就截停人哋,普通市民想聽下不同聲音,完全無辦法。

佢一輪嘴再追問,話睇官台的時事節目,亦相當誇張, 7月21日元朗白衣人事件,就做好詳細的最終報道。但7月1日黑衣人闖入立法會咁大件事,破壞晒立法會的消防系統,偷走正副主席的電腦,簡直係有預謀追擊,可能想放火一鑊熟,就唔見官台追蹤報道。當然8月3日示威者在機場痛打兩個內地旅客及記者,相信官台亦都唔會做特輯去跟進。單係選擇題材,已經睇到立場。

小市民總結發問,問小鯊呢啲咁有立場嘅報道方式,究竟啱唔啱呢?

小鯊係老派人,讀大學的時候,教授教第一課,就話報道新聞要客觀公正,報一段新聞要左右平衡,正反兩種觀點都要有。選擇題材亦不能偏埋一邊,不同題材都要做。評論時事亦不能夠只有一種意見,要聽晒兩種意見。睇現在的傳媒,的確有違客觀公正的原則。

有法律係副教授鼓吹「違法達義」,記者逐漸亦都信咗呢套原則,以自己認為正義的標準,去量度所有事情。當你不去鼓吹他們認為的正義的東西,他們就會質疑你保守、甚至話你保皇。這樣下去,距離客觀公正就越嚟越遠了。

小鯊

** 博客文章文責自負,不代表本公司立場 **