*

upload_article_image

老公帶路遊西葡 名媛龔嬿日夜狂食特色美食

全部都好似好好食~

珠寶店兼花店太子女龔嬿(Yvonne),早前偕老公首次到葡萄牙和西班牙旅遊,她指老公婚前曾與親友去過當地好鍾意,希望婚後帶太太去一次,今次是兌現承諾。兩夫婦參觀酒莊、教堂和博物館。

龔嬿好鍾意影相,行到邊影到邊。

Yvonne全程Book車遊名勝,先到葡萄牙波圖的Taylor's酒莊參加試酒tour,她坦言:「呢間酒莊好出名,我哋試咗2種紅酒同1種白酒,每位都係港幣約$200。」她還到哈利波特迷必到,有全球三大最靚書店之稱的Livraria Lello遊覽,「個書店又靚又特別,有傳《哈利波特》作者J.K.羅琳去完書店後受啟發寫咗本書出嚟。」之後她到西班牙的中世紀古城Toledo參觀天主教堂和博物館,她說:「我唔係天主教徒,但教堂真係好靚,而博物館內放有中世紀嘅武器,未見過好特別!」

龔嬿參加Taylor's酒莊的試酒Tour。

龔嬿對哈利波特書店讚不絕口。

在西班牙古城Toledo的天主教堂十分壯麗堂皇。

Yvonne稱兩地美食各有特色,「我好鍾意葡萄牙嘅海鮮,尤其依家沙甸魚當造,啲魚鮮味又嫩滑,仲有當地葡撻個皮特別脆,又可加糖霜或肉桂粉;而去西班牙梗係食海鮮飯,味道香濃又足料,西班牙火腿當然必食。」首到西葡的Yvonne表示較喜歡葡萄牙,「當地唔算太多遊客,感覺無咁商業,風景又靚,同其他歐洲國家比較,可以好好享受當地風土人情。」

龔嬿很喜歡吃葡萄牙的沙甸魚。

西班牙的海鮮飯好足料,味道又香濃。

龔嬿稱近葡萄牙的小島Tua風景好靚。