*

upload_article_image

食肆「開talk」訓學員 張艾嘉大談幕前幕後經驗

袋錢落大家袋呀!

現年66歲的張艾嘉,入行超過40年,集編導演樣樣皆精的她,在圈內享有好高嘅江湖地位。難怪,大家都尊稱她「張姐」前、「張姐」後,而藝人劉若英、李心潔與她更是情同師徒。

資料圖片

據《東周刊》報道,張姐曰前在九龍城一間著名的潮州菜館現身,見她素顏戴着眼鏡、穿着T恤、牛仔褲,打扮得非常隨便,還好像做領隊,帶了一班為數約30人後生仔女,分了三張大圓枱開餐。

素顏戴眼鏡、穿着T恤、牛仔褲嘅張姐,似領隊咁帶埋一班台灣學員,到九龍城嘅著名潮州菜館開餐。(《東周刊》圖片)

為栽培台灣演藝新人不遺餘力嘅佢,邀請大班學員來港交流,仲預備幾圍招呼佢哋,認真親切。(《東周刊》圖片)

聽見他們都是以國語交談,成班後生仔女相信是學生,對張姐必恭必敬,而張姐亦擺出老師的姿態,說話口脗似訓導,並且似足「開talk」講座。就算上菜,她都邊食邊講不停口,循循善誘一班後生仔女,分享她過去幕前幕後的經驗。

喺演藝界德高望重、享負江湖地位嘅張姐,席間似「老師」咁同大家「開talk」,而各人亦對佢敬重有加。(《東周刊》圖片)

雖然啲餸嚟到,佢都冇一味掛住食,仲爭取時間不停口教導學員,傾囊相授「袋錢」入後生仔女嘅袋。(《東周刊》圖片)

據知,張姐過去為栽培台灣的新人不遺餘力,曾經捐出自己嘅酬勞成立「果實基金會」,培訓年輕演藝人員,相信這班人應該係由台灣來港的學員。另外,他們當晚開餐的菜館其實是一間星級食肆,連星爺周星馳及玄學家李居明都時有幫襯,相信張姐好人好到底,埋單都是她掏腰包請客!

更多娛樂消息,請看東周網:https://eastweek.my-magazine.me/main/entertainment