*

upload_article_image

補拍《法證4》緊張到唔識笑 黃浩然搞gag幫湯洛雯減壓

relax~

因為「安心偷食」,一個累全家的黃心穎連累重頭劇《法證先鋒4》重拍延遲播映,做成今年的台慶劇,令監製同演員都大失預算。而臨危受命頂替黃心穎角色的湯洛雯(靚湯),聽聞壓力爆煲之餘,還搞到塊面勁爆瘡,要化濃妝先遮掩到出鏡。

資料圖片

由於其他演員都拍過一次,靚湯要投入角色的確需要時間warm up,幸好一眾同事都好體諒她,特別是和她對手戲最多的黃浩然。

湯洛雯、黃浩然

據《東周刊》報道,靚湯和黃浩然早前在一間餐廳拍攝一場外景,全程靚湯都不苟言笑,看起來都幾緊張。其實場戲好簡單,講她邊飲紅酒邊和浩然聊天,但她都NG了好幾次;而趁未roll機拍攝前,浩然還會貪靚補妝,反之靚湯心神恍惚,似是為不停NG而自責。

有傳靚湯壓力超大,搞到塊面爆瘡,而拍外景期間,東姑見佢不苟言笑,似乎心情真係幾緊張。(《東周刊》圖片)

當晚場戲其實好簡單,兩人喺餐廳撐枱腳食飯傾偈,以文戲為主。(《東周刊》圖片)

可能見到對手緊張又內疚,浩然不單不介意,還好有耐性和靚湯慢慢排戲,又不停講笑話搞gag氹她。相信,浩然都只想緩和氣氛,令靚湯能輕鬆自在點,水準自然回來,不用NG準時收工,這樣就皆大歡喜啦!

未埋位時,浩然鍥而不捨講笑話冧靚湯,終於成功搏得女方笑逐顏開。(《東周刊》圖片)

雖然場戲要重拍,但浩然對靚湯好有耐性,仲陪對方一齊對稿排戲。(《東周刊》圖片)

趁住化妝時間,浩然施展渾身解數,搞gag猛o氹靚湯笑,令佢心情放輕鬆。(《東周刊》圖片)

更多娛樂消息,請看東周網:https://eastweek.my-magazine.me/main/entertainment