星級化妝師晒私人飛機寸示威者「嗱喳嘢」 英品牌急割席

引發網民聲討......

反修例事件引發的社會矛盾不斷，有網民早前發起到櫃員機或銀行分行提取現金或兌換港元至外幣的行動，以達致「擠提」。星級化妝師鍾日華（Gary Chung）其後在Facebook發帖，公開銀行戶口的千萬元存款，諷刺示威者無錢，又炫耀自己坐私人飛機，暗嘲示威者是「嗱喳嘢」，引發網民聲討，紛紛去信與其合作的品牌反映意見。其中英國品牌Harvey Nichols即發表聲明，澄清與對方於今年6月已經結束合作關係。

Gary Chung曾為林鄭化妝。網上圖片

曾經為特首林鄭月娥、女神黎姿等名人化妝的Gary Chung，早前在其facebook大晒銀行戶口，發文嘲諷參加「擠提」行動的人是「傻仔」，稱「本來我個Premier戶口最少存100萬現金就夠，今日我就存夠1000萬，啲傻仔、傻女可能要問阿媽轉賬幾草嘢畀佢哋，先撳到張一百蚊出嚟」。帖文隨即掀起罵戰，及後有網民晒出自己所持有的美國運通（AE）黑卡，Gary Chung才刪除有關的帖文。

雖然帖文刪走，但仍然引起網民熱論，其中YouTuber 大J評論事件時，上載友人的一張香港賽馬會白金Master Card照片，並留言寸爆Gary Chung：「將層樓都賣埋先得個1千萬，想出嚟寸啲後生仔」。

正當大家以為風波告一段落時，Gary Chung昨日又在社交網站大晒坐私人飛機的照片，稱「好彩我做job啲客係比我坐私人飛機，就算撞到『嗱喳嘢』逼爆機場都冇影響，因為『嗱喳嘢』係入唔到私人飛機場架！」，他更hashtag了「#有傻仔以為拎住馬會投注卡就可以入閘」，似乎是回應大J的照片。

Gary Chung上載搭私人飛機照片。網上圖片

其言論再度辣㷫大批網民，有網民紛紛去信與其合作的品牌，呼籲停止合作。有美容公司事後發聲明，稱對Gary Chung的言論感遺憾，稱本年度已停止跟Gary Chung的合作，又稱目前正物色新代言人，故任何個別人士的言論均與其公司無關。

而英國品牌Harvey Nichols亦在社交平台發表聲明，稱對Gary Chung所發表的言論引起公眾不滿深表失望，又澄清由本年度6月1日起已與Gary Chung沒有任何合作關係。聲明隨即獲大批網民讚好。

不過，Gary Chung未有理會，繼續在facebook發文，指自己任職化妝師多年，「可謂冇乜化妝品牌未合作過，好多更成為咗我好朋友，噚晚仲有好幾位whatsapp同我講話支持我反攬炒嘅帖文。好可惜零售業呢兩個月大受打擊，大家都知係乜嘢原因，尤其經過機場騷擾甚至虐打遊客事件，全球都驚咗嚟香港。」

網上圖片

元朗7.21事件中，一名白衣男子先後襲擊兩名男子，又曾挑釁黑衣人離開付費區，男子事隔近四年被起訴，他早前承認暴動和串謀傷人罪，在區域法院被判囚4年7個月。

暫委法官鄧少雄。 資料圖片

暫委法官鄧少雄判刑時指出，42歲被告鄧兆雄完整參與7.21元朗站白衣人暴動，又曾揮手示意其他白衣人進入付費區，有一定帶頭指揮角色，更有使用藤條，兩項控罪均以7年為量刑起點。

就辯方提出的檢控延誤，包括控方2022年才初步辨認被告身分，翌年初索取法律意見，至同年7月才拘捕補告，法官考慮到7.21事件涉及逾千小時片段，調查時間屬正常合理，認為控方沒有延誤，不存在減刑因素，只就被告曾參與義工服務扣減1個月刑期，計及認罪扣減後，兩罪共判囚4年7個月。

區域法院。 資料圖片

案情指，當晚10時許，被告與一群白衣人經形點進入元朗站，被告在非付費區用手指指向付費區內的黑衣人，多次大聲叫「過嚟呀」，其後被告一度走近閘機旁招手示意其他白衣人進入付費區，但終被其他白衣人阻止，被告曾指罵黑衣人並叫喊「打你呀」，被告更約於一分鐘內連同其他白衣人襲擊兩名男子，其中包括使用藤條。約11時，一眾白衣人衝入付費區，被告揚手示意其他白衣人跟隨，一同進入閘內，被告追趕黑衣人，前往月台後手持藤條威嚇和責罵車廂內乘客。