*

upload_article_image

祖兒願做代母 軒仔:珍惜做朋友緣份就夠

軒仔算請祖兒食檸檬嗎?

容祖兒昨晚舉行第16場演唱會,輪到大會星級調音師兼好朋友張敬軒登場,軒仔台上一番言論,搞到祖兒又喊又笑,最後更感動到自爆為了報答軒仔晚晚無條件照顧,將來軒仔如果搵不到女朋友會幫軒仔生仔,她可以做代母!成晚溫情滿分,又笑到大家肚痛。

軒仔登場。

昨晚祖兒唱完《特別嘉賓》無特別介紹軒仔,欺騙觀眾話,「你地唔好以為每日都有嘉賓得架,我今日唱一首我好鐘意歌」然後就唱《黃色大門》,唱到一半舞台升起, 張敬軒登場,觀眾即起哄歡呼。兩人唱完後,祖兒話:「各位觀眾!你今晚有福啦!」張敬軒就錫錫擁抱祖兒,「good 個騷先。」

容祖兒第16場演唱會嘉賓張敬軒。

軒仔又從袋中抽出一張小咭片,「呢一張係我哋陪伴咗容祖兒咁多晚,佢後台身邊梳化服同事一齊簽比你的一份小禮物。大家知唔知係佢這副瘦削身驅、咁大條裙入面包住背後, 冇人睇到佢身上幾多傷,我有幸可以睇到。你平日著衫係「瀡」入去,好似啲馬路咁暢通。我係後台見到佢好少布嘅時侯......」祖兒馬上震驚問:「吓? 乜你有入來咩?」「我耐唔耐會『裝』下,你唔好信啲野寫先得架,我會裝下...」「你無賴呀....」軒仔就安慰祖兒,「算啦,睇完都唔知睇到乜。」觀眾也為了捧腹大笑。

軒仔火龍果姐上身與祖兒大唱特唱。

軒仔再正經講,「大家留意下,佢剩係腳範圍,每日貼膠布著演出高跟鞋,佢皮外傷、 內傷.......今日開騷前重去針灸同睇骨科。我係台底十幾晚,我每晚都覺得容祖兒係值得所有最好野係佢身上發生。」觀眾即報以掌聲及歡呼聲。「祖兒係騷前,好擔心好擔心唔可以將最好狀態帶上舞台到,佢怕自己令大家失望,佢不斷付出自己,佢真係搵命搏,我未見過一個Artist ,凌晨完騷喉嚨重插住6枝針,就係為左保証第二日有一個最好狀態見大家!」

軒仔與祖兒合唱。

祖兒聽到呢到已經忍不住洒淚,大滴大滴淚水流落,歌迷大叫祖兒唔好喊,軒仔就攬攬示意安慰,再繼續講,「我成日覺得佢無論生活當中,舞台上都係一個好榜樣。有一晚我同方文燕先生幫祖兒做耳機檢聽,但是出左少少判斷問題,我晚上打俾佢,佢竟然係咁,將問題罷係自己度,話唔係呀,係我今晚唱得唔好。係我問題。點解佢有咁好演唱會,咁好team, 咁好嘅觀眾,大家明啦。」祖兒就好感動,「點解會有個咁好朋友,成件事唔關佢事,佢有好多野忙 ,又開餐廳,11月又開自己嗰個啲打騷 ....」軒仔斗正,「我係中樂團!啲打係呢度行過少少就係。」祖兒即破涕為笑,話其實軒仔不用晚晚出現,不過軒仔就話出現得好開心,學到好多野,「係我地這行業好多人話一運二命三風水 ,但係冇架,上帝好公平,你付出幾多收鑊幾多。你付出幾多汗水努力觀眾係會見到!」觀眾又即報以熱烈掌聲。

軒仔與祖兒合唱。

「多謝你張敬軒,估不到你講野咁溫情。」祖兒突然好凝重咁話,「我諗過對佢最大報答,我諗過架。」軒仔:「唔駛以身相許啦 」,豈料祖兒不是說以身相許,而是爆出:「如果你需要一個人,將來識不到一個女朋友都好,我可以做代母,係泰國捐精,哈哈哈.....」觀眾笑到反眼時,張敬軒都嚇一跳笑住話,「咁我泰國搵得啦....」祖兒叉腰反問: 「 做咩依家好失禮你咩?我差啲咩?」軒仔一額汗,「你啲基因 .....都好好.....我覺得呢世珍惜做朋友緣份就夠架啦 ,咪第時我去你屋企,我應該叫你媽咪外母好,定Aunit好?有單身男士,真係可以上ig留下言俾祖兒」 

軒仔火龍果姐上身。

然後兩人合唱《櫻花樹下》,唱完觀眾無一捨得讓軒仔離開,不停叫安歌。軒仔於是話,「以往啲嘉賓唱上來兩首,同大家say個Hi ,兩梳蕉咁上來。我有啲唔同,既然大家咁熱情,我決定我今晚要表演一樣嘢,你台下Quick Change,我要做第一個台上表演QuickChange 嘉賓!」接著大會關燈,讓軒仔換上一件區有火龍果的紅白色外套。現場燈亮,祖兒就即大叫,「Oh MyGod 好肉酸呀。重著埋我件T………人地話娛樂圈養鬼仔我唔信呀,佢今日真係帶左隻鬼仔上來。你係邊個,你咪樂壇妖孽同火龍果姐姐 ?好得人驚呀大佬。」

軒仔火龍果姐上身與祖兒大唱特唱。

軒仔就作狀乩童,又叫祖兒撳佢人中,然後火龍果姐上身,「hello 大家好嗎,大家有冇聽過我首pretty hungry,你地今晚 hun唔 hungry,hungry,就俾啲尖叫我聽 。大家知不知我來做咩 ,踩場呀!」觀眾瘋狂歡呼,祖兒: 「點呀,話曬今日個場係我,你第時開第時再算啦,唱未呀。」火龍果姐說 :「人地講我都唔信,啲樂壇前輩特別難搞。廢事罰錢。今晚歌就唱梗,我帶左少少手信,就中秋有啲生果,係你椅底!啲火龍果講明係唔食得,用來罷設,用來迮年!只要你有火龍果,你就要同我一齊唱同跳這呢首歌。送比大家 pretty hungry!」觀眾就開心到飛起,不停搵椅底,抽到火龍果的就不停揮舞。

軒仔火龍果姐上身與祖兒大唱特唱。