真．好閨密！欣宜許廷鏗貼實行超市買生果

有個明白自己的好朋友真的很重要～

好多香港人看住鄭欣宜大，原來不經不覺她已經32歲，拍過幾次拖，單身了幾年的她不愁寂寞，因為她同肥姐好相似，同樣相識滿天下，閨密亦有好多，包括許廷鏗，男的會做女的演唱會嘉賓，女的又會做返男的嘉賓，兩人好明顯是純粹「真．老友」！

閨密之前曾為一套動畫配音，連開工都可以一齊。

許生紅館演唱會，亦有請欣宜做嘉賓。

日傍晚6點半，先見到長金髮戴眼鏡的欣宜在超市內的生果區選生果，看下桃，望下提子，全部幾百蚊一盒的日本靚生果，仔細一看原來許廷鏗都在附近，因為他無梳頭又帶了口罩，要望多兩眼先認得。

欣宜肥嘟嘟，一出街就好易認。

欣宜同許生應該當晚有Party，所以揀咗唔少佐酒小食。

超市生果的確好吸引，因為太多選擇，所以兩人都揀咗一陣。

這對閨密邊選邊傾，許廷鏗先發現記者，再告知欣宜，兩人有些愕然再繼續行超市，欣宜對雪糕最有興趣，不斷開凍櫃，然後兩人再一齊選了佐酒小食，認真行超市行足一個鐘，兩人各拿一袋食物離開，走時欣宜同記者揮揮手講再見，好有家教！

口罩許生發現記者，望住望住唔知點算咁。

欣宜都幾襯金髮，當許生見到記者再話佢知，睇佢個樣幾得意。

兩人離開超市，欣宜好乖同記者揮手Say Bye。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。