*

upload_article_image

真.好閨密!欣宜許廷鏗貼實行超市買生果

有個明白自己的好朋友真的很重要~

好多香港人看住鄭欣宜大,原來不經不覺她已經32歲,拍過幾次拖,單身了幾年的她不愁寂寞,因為她同肥姐好相似,同樣相識滿天下,閨密亦有好多,包括許廷鏗,男的會做女的演唱會嘉賓,女的又會做返男的嘉賓,兩人好明顯是純粹「真.老友」!

閨密之前曾為一套動畫配音,連開工都可以一齊。

許生紅館演唱會,亦有請欣宜做嘉賓。

日傍晚6點半,先見到長金髮戴眼鏡的欣宜在超市內的生果區選生果,看下桃,望下提子,全部幾百蚊一盒的日本靚生果,仔細一看原來許廷鏗都在附近,因為他無梳頭又帶了口罩,要望多兩眼先認得。

欣宜肥嘟嘟,一出街就好易認。

欣宜同許生應該當晚有Party,所以揀咗唔少佐酒小食。

超市生果的確好吸引,因為太多選擇,所以兩人都揀咗一陣。

這對閨密邊選邊傾,許廷鏗先發現記者,再告知欣宜,兩人有些愕然再繼續行超市,欣宜對雪糕最有興趣,不斷開凍櫃,然後兩人再一齊選了佐酒小食,認真行超市行足一個鐘,兩人各拿一袋食物離開,走時欣宜同記者揮揮手講再見,好有家教!

口罩許生發現記者,望住望住唔知點算咁。

欣宜都幾襯金髮,當許生見到記者再話佢知,睇佢個樣幾得意。

兩人離開超市,欣宜好乖同記者揮手Say Bye。