*

upload_article_image

演唱會逆市下加開三場 72歲Joe Junior望年年健康開騷

祝Joe哥心想事成!

逆市下有演唱會被取消及延期,於9月及11月開Show的Joe Junior竟然加場,共開三場個唱,真是好難得!72歲的Joe Junior滿足道:「好感恩仲可以喺地球阻頭阻勢,最緊要開心,希望天下太平,健康、多啲娛樂,開開心心咁過日子,我個人好簡單,年年做吓演唱會,得閒做吓義工,幫長者籌款,好心足。」

Joe Junior同老婆Susanna多年來恩愛不變。

Joe Junior將於9月18日及11月1日假沙田大會堂舉行共三場《Timeless Memories》演唱會,而開show前先推出第兩隻發燒碟,收錄經典英文歌《Love Story》、《Feelings》等,首首都是他的「飲歌」,瞓覺前要聽一次才滿足。

Joe Junior日前推出第2隻發燒碟。

其中《Puppy Love》唱得最有feel,Joe Junior說:「唱呢隻歌,當年追女回憶返晒嚟,年輕時好純情,唱情歌追女仔會事半功倍,所以紅咗之後有好多女朋友,試過一腳踏3船,(人不風流枉少年?)年輕人只係開心,但唔係風流,拖吓手仔唔會亂嚟…當年我好西化,見到女仔會攬攬抱抱、錫面珠講句『Hi Darling!』」

年輕時的Joe哥好唱得,不時唱歌追女仔。

1967年時,Joe哥(右)和許冠傑(左二)和泰迪羅賓(右二)等都係當紅歌手。

除兩年前Joe Junior因為血管栓塞入住深切治療部個唱被取消外,基本上年年例必開個唱,他說:「我好鍾意唱歌,唱歌帶好多歡樂畀人,依家大家最需要多啲娛樂,開開心心咁過日子,希望天下太平啦!」

Joe哥話大病後狀態返晒嚟,只係戒飲凍嘢,多休息,健康就冇問題。

Joe Junior表示演唱會邀得鬼妹陳明恩、Sabrina做表演嘉賓大唱70年代英文經典金曲。Joe哥當然好希望「3個小生」四哥(謝賢)及修哥(胡楓)能在台上合體,但卻指四哥貴人事忙。問到係咪周圍飛,忙湊孫女(婷婷個女)?Joe哥說:「湊孫梗係好啦,恭喜佢,恨死我呀!」

去年開演唱會時,Joe哥邀得修哥做嘉賓。

楊千嬅都係Joe哥fans。