*

與老公羅仲謙齊慶生扑爆蛋糕 楊怡超興奮:有得玩有得食

兩公婆,齊齊扑,開心!

羅仲謙昨日生日,正式踏入35歲,而老婆楊怡原來聽日生日,踏入四字頭。兩公婆決定齊齊慶祝,搞生日派對,孖住開心過生日。兩位壽星仔獲好友送上4個大蛋糕,其中2個更是近期Hit爆的「扑爆」糖果蛋糕。

影片截圖

影片截圖

二人笑到四萬咁口,一齊用木棍扑爆蛋糕外層,內藏滿滿的糖果多到瀉。楊怡和羅仲謙更穿上白色情侶裝,咀嘴晒恩愛,甜到漏!楊怡之後在社交網發相及留言:「有得睇,有得食,有得玩,有得攞!滿載而歸,Thx my dear family &Friends,感恩♥繼續開開心心♥」不少粉絲留言祝賀,更希望他們願望成真,快快有更好消息宣布。

羅仲謙和楊怡

楊怡羅仲謙齊齊「爆扑」蛋糕,超開心。 楊怡IG圖