*

upload_article_image

合作節目為「港女」連詩雅平反 陳家樂:有義氣好玩得好貼地

家樂自言不懂得照顧女仔,但Shiga會好細心照顧身邊同事及工作人員。

陳家樂與連詩雅(Shiga)齊到韓國拍TVB旅遊節目《12個夏天》,後者之前做旅遊節目時曾公主病發,但人大了成熟了,由「港女」變返個貼地兼玩得的女仔,還肯執牛屎,連陳家樂亦坦言:「旅程前好擔心,好彩同Shiga有交流。」

陳家樂話自己係港男,照顧唔到港女。

對於被安排跟Shiga一齊出遊做節目,陳家樂答得坦白:「旅程前係好擔心,主要擔心好悶,因為我哋完全冇合作過,而且我對住唔熟嘅人會怕醜。印象中連詩雅係個唔多玩得嘅女仔,之前有報道話佢好『港女』,又ABC,自己英文唔多好,我怕文化好唔同,好難喺節目到有交流,好好彩,原來佢唔係『港女』,相反係個好有義氣,好玩得,好貼地嘅女仔,反而佢就我多啲,因為我唔識得照顧女仔,佢會好細心照顧身邊同事及工作人員。」

16年,連詩雅同葉蘊儀去意大利拍《跟住矛盾去旅行》,節目出街後網民封Shiga為「終極港女」。

合作過後,陳家樂心想:「呢個係咪我睇新聞嗰個連詩雅呢?」家樂說Shiga曾同她講,之前拍過一個旅遊節目令到些人產生誤會,「我可以幫佢澄清,佢其實唔係咁嘅,完全兩回事,我哋愈傾愈多話題,因而成為好朋友。(唔怕緋聞女友陳瀅呷醋?)又關佢乜事!做嘢啫,冇乜特別。」不過,陳家樂強調不是不鍾意港女,只是沒能力照顧港女需要,因為自己都是一個港男。

Shiga平日常在社交網派福利。

連詩雅着住密實泳衣加救生衣划艇,身形好Fit。

此行,兩人原來要到青山島體驗「海女」工作,但因太大浪,加上好凍而放棄了,陳家樂笑言同Shiga失敗得好緊要!另外,家樂又提到一日食多餐鮑魚,食到頂住個胃不願食,寧吃即食麵做消夜。兩人又到羅州莞島韓牛養殖場做一日飼養員:「我哋鏟牛屎,要克服屎尿異味及口水鼻涕,連詩雅一啲都唔錫身,佢好放膽同投入去做,令我大大改觀。」

陳家樂及連詩雅在韓牛養殖場擔任餵飼韓牛及打掃牛棚的工作,Shiga唔怕污糟令陳家樂對她另眼相看。

莞島青山島的海女向來不會用潛水氧氣樽落海採鮑魚及海螺,陳家樂及連詩雅於近岸浮潛嘗試挾海螺。

在鮑魚養殖場,兩人一日食足3餐鮑魚,有鮑魚刺身、炆鮑魚同燒鮑魚、仲有好多鮑魚副產品,甚至有鮑魚麵包,海草latte,兩人食到怕。