*

upload_article_image

自認報喜不報憂 欣宜想不通即找「救命鐘」鄧小巧

欣宜指小巧很大智慧!

鄭欣宜最近推出新歌《救命歌》,內容講求救不如自救,只要肯伸出手,會發覺挫折並不可怕。她坦承想不到推出新歌時,遇着香港風雨飄搖,令她好矛盾,因為實在太應景,但同時又不想看到香港出現這情況。自認愛報喜不報憂的她,講到圈中的「救命鐘」除了閨密許廷鏗外,近期就有好有大智慧的鄧小巧。

欣宜坦承雖然愛笑,但沒遺傳媽咪沈殿霞的「開心果」性格,個人好敏感及易轉牛角尖。

欣宜自爆其實這首歌收了很久,但製作過程一波三折,「其實我收到林家謙首歌時,已經好鍾意,仲有畫面,見到有個人伸手去摸個頭,好似安慰緊人咁,但遇啱公司財困拖遲咗開始,後尾我搵咗藍奕邦去寫詞,但同佢又拗咗好耐,佢個角度係比較灰,但我想用個正面啲感覺去睇。」

早前欣宜遠赴挪威奧斯陸為歌曲拍MV,感激導演莊少榮相助,「其實阿榮係去探朋友同埋旅行,順便幫我拍埋個MV,所以真係好多謝佢。」

結果花了年多,歌曲正式面世,卻遇上時局問題,欣宜表示:「其實我都好矛盾,隔咗9個月先再出新歌,但首歌好似太應景咁,喺宣傳角度係有幫助嘅,但係真係唔想見到香港咁樣情況,唯有宣傳做得低調啲。」

欣宜去了個小鎮拍攝,風景相當靚,「我喺中餐廳仲遇到個小妹妹係我fans,佢見到我出現喊晒,令我好感動。」

談到平日向人求助,欣宜說有問題好少同屋企說,「我係個報喜不報憂嘅人嚟,一個人住咁耐都慣咗自己解決問題。不過,我係個好敏感嘅人,有事諗唔通都會搵吓朋友傾吓,圈裏面除咗許廷鏗,近排我會搵鄧小巧,佢係近年朋友介紹認識嘅麻雀腳,但係佢個人好有大智慧,好多時佢一句說話就幫我解到個心結。」欣宜坦言一個人生活,有時都會覺得寂寞,想擁有自己家庭,「但男朋友唔易搵,都想遇到一個明白我,同我一樣欣賞藝術嘅男人。」

習慣對住家人報喜不報憂的欣宜,好少同嗲哋鄭少秋傾訴。

欣宜話在小巧身上學到豁達,令心情變好。