*

潘紹聰話冤鬼最得人驚 惠英紅收藏陪葬品終嚇破膽

小編怕怕......

「鬼王」潘紹聰與「鬼后」惠英紅坐鎮驚慄片《綁靈》,二人宣傳這片不忘自爆撞鬼經歷。潘兆聰主持網台節目《恐怖在線》,曾經帶團到泰國祈福,隨團一位女士突然被靈體上身,「發狂時嘅力量係要4、5個男人先捉得住,我就係其中一個,親身遇過真係好驚好真實。」

《綁靈》劇照

《綁靈》劇照

作為「鬼王」其實都會有害怕的鬼,潘紹聰笑說:「最怕梗係窮鬼啦,一個人無錢可能乜都做得出。」隨後他認真表示:「冤鬼係最得人驚,就好似一啲涉及嬰靈嘅個案,佢哋嘅怨念係好深,可能過咗幾千年都唔會散,只可以等到佢哋嘅怨念解除。」

《綁靈》劇照

《綁靈》劇照

影后惠英紅拍過無數電影作品,參演的《心魔》、《血觀音》、《彊屍》等懸疑驚悚電影都為她奪得不少殊榮,紅姐絕對配得上「鬼后」的稱號。

《綁靈》劇照

《綁靈》劇照

很多人說拍戲易撞鬼,紅姐霸氣自言見過太多,習以為常:「有次拍戲途中瞓晏覺,有好多細路嘅靈體喺附近擾攘,我就話乖啦畀阿姨瞓陣啦,我醒返發現得我一個夠膽瞓,其他人都驚到走晒。」

鬼王鬼后坐鎮新片之餘,還分享鬼故事。

《綁靈》劇照

紅姐更分享一個奇怪嗜好,惹來一個嚇破膽的經歷。她說:「我之前好鍾意收藏真嘅陪葬品,有次酒店瞓覺途中,見到天花板有好多個大嬸嘅頭圍住我,全部都係古代穿著,講北京腔係咁鬧我,我係咁唸經先無事。」事後紅姐睡醒才發覺,原來當時枱上擺放著古代首飾盒的陪葬品。

《綁靈》劇照

《綁靈》劇照